17-23 MARZO
PROVERBIOS 5
Kantiko 122 bätä orasion | Kukwe niedre kena (min. 1)
1. Ja mika gure käme käme yebätä mun ngitia mobe
(min. 10)
Ja mika gure käme käme ye ñan raba tuin blo nuainkäre (Pr 5:3; w00-S 15/7 29 párr. 1).
Ja mika gure käme käme yebätä ja tare nika raba kri (Pr 5:4, 5; w23.06 22, 23 párr. 9, 10).
Ja mika gure käme käme yebätä mun ngitia mobe (Pr 5:8; w15 15/6 15, 16 párr. 8, 10).
Monso merire testiko ye ñan tö número jakwe bien monso brare yei
2. Perla ükani känändre
(min. 10)
Pr 5:18, 19. ¿Raba jabe yebätä Jehová tä töbike ño? (lff kukwe ja tötikara 41 punto 1).
Texto dianinkä Bibliabätä ñäkäkäre bämän ne kräke, ¿yekänti perla meden meden kwani nie?
3. Ñäkätä Bibliabätä
(min. 4) Pr 5:1-23 (th kukwe ja tötikara 5)
4. Blita kömikakäre
(min. 3) KUKWE DRIEDRE NITRE OKWÄBITI. Täräkwata nitre nübaikäre Jesús Ja Nire Biani Ngwainta Törö Jai kräke ye biandre ni ñan Ngöbö mikabare täte yei, aune medente ni ye raba kwen ye kwandre ño ie jw.org ye mäkwe drie ie (lmd kukwe ja tötikara 6 punto 4).
5. Ni tuadrebitita
(min. 4) JU JU TE. Ni iti täräkwata nitre nübaikäre Jesús ja nire biani ngwainta törö jai kani ngäbiti aune tö namani kukwe mikai gare bäri jai (lmd kukwe ja tötikara 9 punto 5).
6. Nitre tötikadre
(min. 5) lff kukwe ja tötikara 16 dre nibi gare mäi, ngwankäreta törö aune “Mäkwe kukwe ne nuain”. Jesús ye ja mikani gure o ñakare, ye ni ja tötikaka tä ngwentari. Kukwe ye mikakäre gare jai, känändre ño kwe ye mä drie ie (lmd kukwe ja tötikara 11 punto 4).
Kantiko 121
7. Ni brare aune merire tä kite ja mike gare jai ngwane ja ngwandre deme kwe
(min. 15) Kukwe kädriedre nitre ja ükaninkrö yebe.
Ni brare aune merire tä kite ja mike gare jai, ja tuin ja bä ietre yebätä ye ngwane, tätre blite jabe nitre okwäbiti o kaibe ruäre ngwane, raba blite video llamada yebiti jabe o kukwe tike jai. Ni brare aune merire tä kite ja mike gare jai ngwane, ye ñan jadadrekä aibe, ni testiko Jehovakwe ñan töbike ye erere, ñakare aune töita metrere ja mikabätä gure medenbätä tä kukwe ye den nuaindre jai. Ni bati o ni niena umbre yebiti ta, ¿Nitre nibu tä ja mike gare jai ye ngwane, dre raba dimike ñaka ja mike ngite? (Pr 22: 3).
VIDEO Ño ja mika raba juto ja mäkäte kräke. Kena: ¿Ti niena juto ja kukwei muko känänkäre? (oto chi) mikadre tuare. Kukwe ngwandretari nitre ja ükaninkrö ie:
¿Ni jämi juto ja mäkätekäre ni iti ben ngwane, ñobätä ñaka kwin ja mikadre gare jai? (Pr 13:12; Lu 14:28-30).
¿Nitre rüne käkwe ngängän kwe dimikani ño ye meden nibi tuin kwin mäi?
Ñäkädre Proverbios 28:26 yebätä. Kukwe ngwandretari nitre ja ükaninkrö ie:
¿Nitre nibu tä ja mike gare jai ngwane, rabadre dre nuainne ne kwe ñan töi rabadre kukwe blo nuainbätä?
¿Tätre ja ngwen ño jabe ñodre, ja demaine o ja kise ketete ño yebätä rabadre blite jabe ye ñobätä ütiäte?
Ñäkädre Efesios 5:3, 4 yebätä. Kukwe ngwandretari nitre ja ükaninkrö ie:
¿Nitre tä ja mike gare jai ye tä blite celular yete ta o redes sociales yebiti ngwane, drebätä rabadre ja ngübadrebiti?
8. Ja tötika Bibliabätä konkrekasionte
(min. 30) bt cap. 24 párr. 1-6.