19-25 MAYO
PROVERBIOS 14
Kantiko 89 bätä orasion | Kukwe niedre kena (min. 1)
1.Kukwe tare rakadrekä käbiti tibien ngwane, ja ngwandre mokre aune töbätä
(min. 10)
“Kukwe jökrä nieta” ye ñan mikadre era jai (Pr 14:15; w23.02 22, 23 párr. 10-12).
Ñan tö ngwandre akwle jai o kukwe nakaninanka nibätä ye ie (Pr 14:12).
Nitre ñaka töta nemen ja jie ngwamana juta Jehovakwe ie ye ñan kukwe nuadre (Pr 14:7).
KUKWE TÖBIKATARIKÄRE: Ni umbre, ¿mäta juto kukwe bianta ye mikakäre täte aune tö ngwankäre Jehovabiti kukwe tare tä nakainkä käbiti tibien ye ngwane? (w24.07 5 párr. 11).
2. Perla ükani känändre
(min. 10)
Pr 14:15. ¿Kukwe dian jämi nuaindre jai ye känenkri dre nuaindre? (lff kukwe ja tötikara 35 punto 2).
Texto dianinkä Bibliabätä ñäkäkäre bämän ne kräke, ¿yekänti perla meden meden kwani nie?
3. Ñäkätä Bibliabätä
(min. 4) Pr 14:1-21 (th kukwe ja tötikara 11)
4. Blita kömikakäre
(min. 3) KUKWE DRIEDRE NITRE OKWÄBITI. Ni iti kwe ngwian ñakare bätä tä töbike, ye ie dre nieta Bibliakwe ye mikadre tuare (lmd kukwe ja tötikara 3 punto 3).
5. Ni tuadrebitita
(min. 4) JU JU TE. Ni iti ben mäkwe blitabare käne ye tö namani kukwe keteiti mike gare jai. Ye ie mäkwe täräkwata tä blite kukwe yebätä ye bian (lmd kukwe ja tötikara 9 punto 4).
6. Nitre tötikadre
(min. 5) Mäkwe ni ja tötikaka ye töi mika ñäke Bibliabätä mantre jetebe aune raba nuainne ño ye driedre ie (th kukwe ja tötikara 19).
Kantiko 126
7. Kukwe tare rakadrekä ye kräke ni tädrera juto
(min. 15) Ni umbre ji ngwanka käkwe kukwe ne kädriedre nitre ja ükaninkrö yebe.
Kukwe tärä niekäre sukursalkwe o nitre umbre ji ngwanka yekwe ngwane, mikadre gare.
Ni kite nökrö bäri “kä krüte” ye ken yebätä kukwe tare kite nakainkä bäri tare ye ñaka ni töi mike nia (2Ti 3:1). Käre juta Jehovakwe tä ni jie ngwen ne kwe ni rabadrete kwäre kukwe tare tä nemen bare käbiti tibien yebätä. Nikwe ja mikai täte aune ja mikai juto ja üairebiti aune ja töibiti ye ngwane, kukwe tare rakaikä ngwane rabai bäri nuäre nikra rabatekäre kwäre (Pr 14:6, 8).
Ja ükadrete kukwe ja üairebiti. Mäkwe ñäkä käre Bibliabätä aune ja tötika kaibe ye nuain. Ja kitadre kukwe driere jene. Ruäre ngwane, mä ñaka tä ja mräkätre konkrekasionte ye ken ngwane mä ñan kä jürä ngwan jabätä (Pr 14:30). Jehová aune Jesukristo täi käre mä ken ye mä ngwan törö jai (od-S 175, 176 párr. 15-17).
Jondron ükadrete biare jai. Mochila tärä juto nikwe akwa arato ju jene jene yekwe mrö, ñö, kräkä, tädrera chi aune jondron mada mada ribeta jai ye tädrera nikwe nane ni rabadre ju madate ye kräke (Pr 22:3; g17.5-S 4).
Video ¿Mä niena juto biare kukwe rakadrekä jötrö ngwarbe ye kräke? Mikadre tuare. Biti kukwe ne ngwandretari:
¿Kukwe tare rabadre bare ye näire Jehová raba ni dimike ño?
¿Dre nuain raba nikwe ja mikakäre juto?
¿Ni mada tä ja tare nike ye dimika raba ño?
8. Ja tötika Bibliabätä konkrekasionte
(min. 30) bt cap. 26 párr. 18-22 aune recuadro página 209.