30 JUNIO NEMEN 6 JULIO

PROVERBIOS 20

Kantiko 131 bätä orasion | Kukwe niedre kena (min. 1)

KUKWE ÜTIÄTE BIBLIABÄTÄ

1. Dre käkwe nitre ja kukwei mukore dimikai kukwe kwin den jai

(min. 10)

Jehová töita ño ni ja kukwei mukore yebätä ye ngwandre törö jai (Pr 20:24, 25; w24.05 26, 27 párr. 3, 4).

Ni tuin ja bä mäi ye tä ja ngwen ño ye mä mikatari ñärärä (Pr 20:18; w24.05 22 párr. 8).

Mun nibira blite jabe ngwane, ja mika gare kwin jai kwärikwäri (Pr 20:5; w24.05 28 párr. 7, 8).

Ni ja kukwei mukore tä täkäni tibien, tätre blite jäme nitre mada ngätäite. Ja mräkätre mada tuin niaratre trökri.

NGWEN TÖRÖ JAI: Ja mikata gare kwin jai ye köböire ni ja mäkäite o ñakare ye tä nemen gare nie.

2. Perla ükani känändre

(min. 10)

Pr 20:19. ¿Töbikadre käne blitakäre ye ñobätä kwin? (w22.10 22 párr. 17).

Mike gare
Texto dianinkä Bibliabätä ñäkäkäre bämän ne kräke, ¿yekänti perla meden meden kwani nie?

Mike gare

3. Ñäkätä Bibliabätä

(min. 4) Pr 20:1-15 (th kukwe ja tötikara 5)

DIRIDRE BÄRI KWIN

4. Blita kömikakäre

(min. 4) JU JU TE. Ni kite juta madakri aune tä nüne krire yete niedre kwe mäi (lmd kukwe ja tötikara 3 punto 3).

5. Ni tuadrebitita

(min. 4) KUKWE DRIEDRE NITRE OKWÄBITI. Aplicación JW Library® ye driedre aune blitadrebätä aune mikadre ño celularete ye driedre (lmd kukwe ja tötikara 9 punto 5).

6. Dre mikata täte ye driedre

(min. 4) Kukwe bämikadre. ijwfq kukwe 34. Kukwe: ¿Nitre testiko Jehovakwe yekwe Biblia sribebare jeñe ja kräke? (lmd kukwe ja tötikara 3 punto 4).

NITA JA NGWEN ÑO

Kantiko 78

7. Mäkwe nitre töi mika ja tötike Bibliabätä

(min. 5) Kukwe kädriedre nitre ja ükaninkrö yebe.

Nita nitre nübaire ja tötike Bibliabätä ye ngwane nita kukwe bäri ütiäte nuainne kukwe drieta ye ngwane, nikwe ñan nuaindi ngwane ¿dimikai ño Jehová mike täte? (Ro 10:13-15). Mä rika kukwe driere ju ju te ye ngwane, mäkwe ja töi mika ja tötika driere nitrei. Dre tuin bäri nitre ie ye mä mika gare jai. Biti ja tötika Bibliabätä ye raba kukwe tä ngwen töbike mike gare ie aune mike nüne bäri kwin ye mä drie ie.

Enlace “Nunta nitre tötike ño Bibliabätä ye mike gare jai” tä jw.org ye raba mä dimike ja tötika Bibliabätä driere nitre ie.

Enlace “Nunta nitre tötike ño Bibliabätä ye mike gare jai” yebiti ¿mä raba kukwe driere ño?

Mike gare
¿Mäta dre nuainne ne kwe tä nemen nuäre mä kräke ja tötika Bibliabätä ye driekäre?

Mike gare