18-24 AGOSTO
PROVERBIOS 27
Kantiko 102 bätä orasion | Kukwe niedre kena (min. 1)
1. Ja ketamuko kwin känändre ye raba ni dimike ño
(min. 10)
Ja ketamuko metre ye tä mäträre nibätä nita ribere bäri ngwane (Pr 27:5, 6; w19.09 5 párr. 12).
Ruäre ngwane ja ketamuko ye raba ni dimike bäri kwin ni mräkä ye kräke (Pr 27:10; it-2-S 1185 párr. 6).
Ja ketamuko metre ye tä ni dimike ja ngwen bäri kwin (Pr 27:17; w23.09 10 párr. 7).
2. Perla ükani känändre
(min. 10)
Pr 27:21. ¿Ni käikitakata ngwane dre nuaindre? (w23.06 4 párr. 8).
Texto dianinkä Bibliabätä ñäkäkäre bämän ne kräke, ¿yekänti perla meden meden kwani nie?
3. Ñäkätä Bibliabätä
(min. 4) Pr 27:1-17 (th kukwe ja tötikara 5)
4. Blita kömikakäre
(min. 3) JU JU TE. Mäkwe blitadre ni iti mamatata kukweibätä ben ngwane (lmd kukwe ja tötikara 6 punto 5).
5. Ni tuadrebitita
(min. 4) KUKWE DRIEDRE KÄ JÖKRÄ NGWANE. Video tä nikwe dirikäre bäri kwin yebätä blitadre akwa ñaka mikadre tuare (lmd kukwe ja tötikara 8 punto 3).
6. Kukwe kädriedre
(min. 5) ijwyp-S kukwe 75. Kukwe: ¿Ja ketamuko tikwe ñäkädre tare tie ngwane dre nuaindre tikwe? (th kukwe ja tötikara 14).
Kantiko 109
7. “Kukwe tare tä nakainkä ngwane tätre nemen ja eteba ye erere”
(min. 15) Kukwe kädriedre nitre ja ükaninkrö yebe.
Ja ketamuko ni tarekä ye raba kwen nie Jehová köböire juta kwe yete. Ni tärä ja kete ja mräkätre konkrekasionte yebe akwa ¿niaratre ngätäite ni iti ben mäta ja kete bäri kwin? Ja gare kwin ja ketamuko kwin ietre, tätre tö ngwen jai kwärikwäri ja ruin ño ietre ye tä mike gare jai, jondron nuainne gwairebe aune ja dimikata kwetre. Erametre ni raba ja kete kärekäre yekäre kä diandrekä jai aune ja di ngwandre.
Ñäkädre Proverbios 17:17 yebätä. Kukwe ngwandretari nitre ja ükaninkrö ie:
¿Ja tare nikadre kri ye känenkri ñobätä ütiäte ja ketadre kwin ja ketamuko ben?
Ñäkädre 2 Corintios 6:12, 13 yebätä. Kukwe ngwandretari nitre ja ükaninkrö ie:
¿Bersikulo ne raba ni dimike ño nemen ja ketamuko bäri kwin?
Video “Kä tärä kukwe jökrä kräke”. Rabakäre ja ketamuko käta niken ruäre ta mikadre tuare. Kukwe ngwandretari nitre ja ükaninkrö ie:
¿Video ne tä dre driere mäi ja ketamuko yebätä?
Ja ketamuko mikadre nirien ye abokän kri mu chi nökata aune ngübata ye kwrere. Nita kä mike kötare ja ngwärebätä, ka ngäbitita käi jutobiti ye ngwane kri mu nökata ye kwrere aune ja töi mikata bökänbätä aune jondron nuainta gwairebe ben ye abokän ñö kitata biti ye kwrere, ye köböire bätärekä bätärekä jatai nirien aune ye käi ngwain juto jabätä kärekäre.
8. Ja tötika Bibliabätä konkrekasionte
(min. 30) lfb kukwe ja tötikara 10, 11.