¿Törö Mäi?

¿Mäkwe ñäkäbarera täräkwata Ni Mikaka Mokre mrä mrä yebätä? Ye erere ngwane, mä raba kukwe ngwantarita ne mike gare ño ye mike gare jai.

Kä diandrekä jai blitakäre Jehovabe, kukwe nuakäre aune töbikakärebätä, ¿ye köböire kukwe kwin meden raba nemen nikwe?

Nikwe kukwe kwin diain jai, nita nemen dirikä bäri kwin, nita nemen tödeke bäri aune ni rabai Jehová tarere bäri (w22.01, página 30 aune 31).

Nikwe ja kitadre tö ngwankäre Jehovai aune nitre kädekani kwe ji ngwankäre ie, ¿ye ñobätä kwin?

Jehovata kukwe nuainne ie tö ngwandre nikwe yebätä nikwe ja kitadre gwä ngwane. Nitre umbre ji ngwanka tä kukwe ükete aune kukwe bien mikakäre täte, ye nita kai ngäbiti ngwane nita nuainne. Ja tare nikai kri ngwane kukwe biain mikakäre täte ye ñan rabai tuin bä nie, akwa ni täi juto mikakäre täte (w22.02, página 4 nemen 6).

Plomada täi gobran Zorobabel kisete ye Zacariakwe tuai, ¿ye ñobätä Angelekwe niebare ie? (Zac. 4:8-10).

Kukwe mikani tuare ne käkwe mikani gare metre juta Ngöbökwe ie, templo mrä sribenämäne ye rabai bare täte aune Jehová nämene dre ribere, ererebätä nuainbare (w22.03, página 16 aune 17).

¿Blitata yebiti nikwe kukwe kwin bämikadre yekäre nikwe dre nuaindre? (1 Tim. 4:12).

Kukwe drieta ngwane ja töi mikadre jäme aune blitadre töi kwinbiti, kantadre kä jutobiti aune ja di ngwandre blitakäre käre gätäte, käre kukwe metre niedre, kukwe niedre nitre dimikakäre aune ja di ngwandre ñaka kukwe taretare niekäre jire chi (w22.04, página 6 nemen 9).

¿Jondron nire kri krubäte tä Apocalipsis 13:1, 2 aune jondron nire kri kräbokä (gobrantre) Daniel kapitulo 7 yete, ye ñobätä bäsi ja erebe?

Jondron nire kri krubäte tä Apocalipsis 13 ye ñan tä gobran keteitibe bämike, ñodre Roma. Ñakare aune Gobrantre käkwe nitre kä tibienbätä gobrain barera mekerabe nükebe kä nengwane ye bämikata (w22.05, página 9).

¿Jehovata kukwe ükete metre ie nita tö ngwen ye nita bämike ño?

Ni iti käkwe ñäkäbare tare nie o ja mikani ngite ni rüere ngwane, nikwe ja di ngwandre ñan ja töi mike rubun jankunu aune kukwe ye mikadre Jehová kisete. Ja mika ngite köböite kukwe tare namanina bare ye jökrä niarakwe ükaite (w22.06, página 10 aune 11).

Ja mräkä iti oradre gätäte ngwane, ¿dre ngwandre törö kwe jai?

Orasion ye ñaka mäträkäre o kukwe mikakäre gare konkrekasion kräke ye kwrere. Bäri gätä kö mikata ye ngwane ñaka rabadre “blite krubäte” (Mat. 6:7, NGT) (w22.07, página 24 aune 25).

¿“Nitre käkwe jondron käme nuainbare” gaikröta kukwe ükatekäre bentre ye dre gärätä? (Juan 5:29).

Kukwe käme nuainbare kwetre käne, yebätä kukwe ñan kwin ükaite rüere. Ñakare aune, nitre gaikröta ye bitikäre ja töi mikai ño aune ja ngwain ño kwetre ye mikaitari ñärärä (w22.09, página 18).

Gätä kri nuainbare septiembre 1922 ye ngwane, ¿ja mräkä Joseph Rutherford kukwe meden ütiäte mikani gare?

Gätä kri nuainbare Cedar Point (Ohio, Estados Unidos) yete, niebare kwe: “Jesús ye tä Reire aune mun köböire niara tä kukwe mike gare. Aisete Rei ye abokän Gobran Ngöbökwe ye mike gare, mike gare, mike gare nitre ie” (w22.10, página 3 nemen 5).

Isaías kapitulo 30 tä niere erere, ¿kukwe meden ketamäbiti Ngöböta ni dimike kä ngwen nüke jai?

Kena) tä orasion kukwe nuin kwin aune nita dre kärere ie ye tä nuainne, ketebu) tä ni jie ngwen aune ketamä) tä kukwe kwin mike nemen bare ni kräke kä nengwane aune ja känenkäre, ye mikata gare kapitulo yete (w22.11, página 9).

¿Kukwe nieta Salmo 37:10, 11, 29 ye namani bare mekera aune rabai bare ja känenkäre, ¿ye ñobätä ni raba niere?

Salomón gobranbare ngwane, juta Israel nünanbare jäme ye mikata gare kukwe niebare Davidkwe yebiti. Kä bä nuäre ja känenkäre yebätä Jesús nämene blite ngwane, bersikulo 11 ye kädekaninte kwe (Mat. 5:5; Luc. 23:43) (w22.12, página 8 nemen 10, aune 14).