Täräkwata driedre ño

Ni Mikaka Mokre 1 Octubre

“Nitre kwati ñaka niena Ngöbö kukwei mike era jai. ¿Ñobätä kukwe ye tä nemen bare raba ruin mäi? [Mäkwe tuanmetre blite.] Texto ne kätä mike gare nie [ñäkä Habacuc 1:​2, 3]. Kukwe keta kabre kätä nitre mike ñaka tödeke Ngöböi ye täräkwata ne kätä mike gare.” Kukwe nieta página 11 ye mäkwe mika tuare.

¡Despertad! Octubre

“Kä nengwane nitre ja mräkäre tä ja tuin kukwe kri ben ¿ñan ererea? [Mäkwe tuanmetre blite.] Biblia kätä kukwe kwin mike gare ye nitre ruäre ie ñaka gare, ñodre ti törba ñäkäi texto nebätä mäi [texto tä tikani täräkwata yebätä ñäkädre]. Nitre ja mräkäre käkwe kukwe Bibliabätä erere nuaindre angwane raba ja tuin ño kukwe keta kabre yebe ye mikata gare täräkwata nebätä, abokän sribebare nitre ja mräkäre kräke.”

Ni Mikaka Mokre 1 Noviembre

“¿Nitre kukwebätä kätä kukwe driere ye jökrä tä Bibliabätä raba ruin mäi? [Mäkwe tuanmetre blite.] Biblia kätä ni mike mokre kukwe ngwarbe drieta yebätä [ñäkä Colosenses 2:8 yebätä]. Kukwe keta ti abokän kätä kukwe Ngöbökwe kwite jene ye kädrieta täräkwata nebätä.”

¡Despertad! Noviembre

“Celular, computadora bätä jondron mada kwrere ye abokän nitre jökrä bäsi tä mike tuin ütiäte krubäte jai. Akwa, ¿jondron ye tä kä bien nie o tä kä denkä nikän? [Mäkwe tuanmetre blite.] Nikwe kä diandrekä dre nuainkäre ye texto ne kätä mike gare nie [ñäkä Efesios 5:​15, 16 yebätä]. Nikwe kä diandrekä nuäi jai jondron yekrä, ye ñan aibe mikata gare täräkwata nebätä ñakare aune nikwe töbikadre ni mada yebätä ye mikata gare arato.”