¿Täräkwata drieta ye tädre ño?

Täräkwata drie jämi ye känenkri nikwe kukwe ye ngwantaridre jai. Täräkwata tädre nakwaninkä, niena sotro, dobrore o ngianinkä ye nikwe driedre angwane kukwe drieta nikwe ye ñan rabai tuin ütiäte nitre madai aune blitai käme kwetre juta Ngöbökwe yebätä.

¿Ni raba täräkwata ye ngübare ño? Tärä ye ño ño ye ererebätä ja mräkätre ruäre tätre ükete maletin kwe yete. Ñodre: tärä, täräkwata, täräkwata kia aune tärä mada ye tätre ükete jatäri. Tätre blite ünä ye bitikäre tätre Biblia bätä tärä madabiti kukwe driere ye tätre miketa deme ngwäte. Nitre kukwe driekä ruäre tätre täräkwata ye ngwä sribere aune yete tä mike. Ni törbadre ükaite ño, ye tä gare nie, akwa bäri ütiäte nikwe tärä driedre ye ngwane ni mada käkwe ñaka blitadre käme kukwe drieta nikwe yebätä (2 Cor. 6:3).