Kukwe driekäre

Sabado kena mayo yebätä ja tötika Bibliabätä driedre ño

“Ni mräkätre tare nikwe tä krüte nikän angwane ni ñaka raba kä ngwen nüke jai nita nemen nütüre. ¿Jondron kwin tärä ni mräkätre tare nikwe kräke raba ruin mäi?” Tärä Dre drieta ye mäkwe drie ie. Nitre krütani ganinkröta kädrieta Bibliabätä ye tä página 69 yete, kukwe keteiti yebätä mäkwe ñäkä aune kädrie ben. Köbö ükadrete kukwe ye arabe kädriekäre köbö mada ngwane ben.

Ni Mikaka Mokre Abril-Junio

“Jesús ye abokän töi nämene kwin nitre ruäre tätre nütüre, nitre mada abokän tä niere Jesús ye ara Ngöbö. ¿Mä abokän raba dre niere?” Mäkwe tuanmetre blite. Mäkwe ñäkä Juan 6:38 yebätä. Täräkwata Ni Mikaka Mokre abril-junio ye mäkwe bian ni gwi ie bätä subtítulo “Jesukwe dre driebare” tä página 20 bätä 21 yebätä mäkwe ja tötika keteiti ben. Mrä kukwe ükadrete kukwe mada ngwantarita ye kädriekäre ben.

¡Despertad! Mayo

“Nitre kwati kräke kukwe ñaka ükateta kwin. ¿Ni tärä abokän raba kukwe ükete kwin ni kräke raba ruin mäi? [Mäkwe tuanmetre blite.] Gobran meden käkwe kukwe ükaite kwin ni jökrä kräke ye abokän niebarera känenkri, tibike ñäke kukwe yebätä [ñäkä Salmo 72:11-14 yebätä]. Biblia tä käbämike kä ja känenkäre yete kukwe ükaite kwin ni kräke, kukwe ye kädrieta täräkwata nebätä.”