Kukwe driekäre

Sabado kena abril yebätä ja tötika Bibliabätä driedre ño

“Ja ngökata ñöte ye nitre kristiano jökrä tä nuainne. ¿Ja ngökadre ñöte ye ütiäte krubäte raba ruin mäi? [Mäkwe tuanmetre blite.] Kukwe ütiäte kädrieta nete.” Täräkwata Ni Mikaka Mokre abril-junio ye mäkwe drie ni gwi ie bätä kukwe kädrieta página 16 yebätä mäkwe ja tötika ben, texto keteitibätä ñäkädre. Täräkwata driere ie aune köbö ükadrete kukwe mada ngwantarita kädriekäre ben.

Ni Mikaka Mokre Abril-Junio

“Kukwe keta kabre nieta Jesús yebätä. Nitre ruäre tä niere niara abokän Mesías käbämikani, nitre mada abokän tä nütüre niara töi nämene kwin, aune nitre ruäre tä niere niara ñaka nünanbare. ¿Mä abokän tä töbike ño? [Mäkwe tuanmetre blite]. Biblia tä niere kukwe metre rabadre gare niarabätä nie ye ütiäte krubäte [mäkwe ñäkä Juan 17:3 yebätä]. Nitre tä kukwe keta kabre ngwentari jai Jesús yebätä aune Kukwe Ngöbökwe tä dre niere ye kädrieta täräkwata nebätä.”

¡Despertad! Abril

“Kukwe nuainta nunkwe ye tä nitre ja mräkäre kwati dimike. Kä nengwane nitre ja mräkäre tätre ja tuin kukwe keta kabre ben, ¿ñan ererea? [Mäkwe tuanmetre blite.] Medente kukwe kwin tä kwen nitre ja mräkäre yei ye nieta nete [ñäkädre Salmo 119:105 yebätä]. Nitre ja mräkäre tä ngobokrä ngübare ye tä ja tuin kukwe ruäre ben, akwa tätre ja jie ngwana kukwe nieta Bibliabätä yei ye köböire kukwe kwin tä nemen kwetre ye mikata gare täräkwata nebätä.”