Internet käi nikwe: ütiäte ja tötikakäre kaibe aune ni mräkäbe
Täräkwata sribebare bitinkä yebätä mäkwe ñäkä Internet yete. Täräkwata Ni Mikaka Mokre aune ¡Despertad! jämi nüke konkrekasionte ye känenkri mikata Internet yete bämän kabre te. Täräkwata ye grababare kwandi mäi arato, ye tä kukwe suliare yebiti aune kukwe mada jene jene yebiti. (Mäkwe clic mika “Publicaciones/Revistas” yebiti.)
Tärä tä mikani Internet yete ye mäkwe mika ñärärä. Täräkwata sribedi akwa ruäre mikadi Internet käi nikwe ye aibe känti. Ñodre “Monsotre kräke”, “Kukwe kena drieta Bibliabätä tie”, “Actividades para la familia” aune “Los jóvenes preguntan”. Mätä ja tötike kaibe o mä mräkätre ben ye ngwane mäkwe ja tötika kukwe ye ruärebätä. Gwäune, kukwe ne tä kukwe suliare ye aibebiti aune kukwe mada jene jene yebiti. (Mäkwe clic mika “Enseñanzas bíblicas/Niños” o “Enseñanzas bíblicas/Jóvenes” yebiti.)
Kukwe mikata gare mrä mrä ye mäkwe mika gare jai. Kukwe kwin mikata gare aune kukwe kwin namani bare mikata gare ye mäkwe mika gare jai, bätä videoclips känti sribi Ngöbökwe tä nirien bäri kä jökräbiti tibien mikata gare ye mäkwe mika ñärärä. Kukwe tare tä nemen bare kä mada känti o nitre tä ja mike ja mräkätre rüere mikata gare ye kwandi mäi arato, aune ye mä dimikai orasion nuainne metrere kukwe keteitibätä ja mräkätre kräke (Sant. 5:16). Kukwe ne tä kukwe suliare yebiti aune kukwe mada jene jene yebiti. (Mäkwe clic mika “Noticias” nieta yebiti.)
Biblioteca tä Internet käi nikwe yete yebiti mäkwe kukwe känä. Biblioteca ye tä mä kukweire angwane, mäkwe computadora, celular o tableta yebiti ñäkä texto yebätä o kukwe känä tärä aune täräkwata sribeta mrä yebätä Internet käi nikwe yete. (Mäkwe clic mika “Publicaciones/Biblioteca en línea” yebiti o mäkwe www.wol.jw.org/es ye tika kä kukwe känänkäre yekänti.)
[Jondron üai bämikani página 4]
(Mä törba kukwe ye mikai ñärärä bäri kwin angwane, mäkwe tärä o täräkwata ne mika ñärärä)
Nuainne mada
1 Mäkwe clic mikai lámina o vínculo nieta yebiti angwane, kukwe ye kwandi mäi PDF yete. Mäkwe imprimi ja kräke aune mäkwe ja tötikabätä monsotre mäkwe yebe.
2 Mäkwe clic mika símbolo videoclip tuakäre yebiti.