Internet käi nikwe: kwin kukwe driekäre
Nitre mada nübaidre Internet käi nikwe ye mike ñärärä. Nitre ruäre ñaka töta nemen blitai nibe o ñaka töta nemen tärä kain ngäbiti nie. Akwa töi raba kukwe känänbätä jw.org yekänti kukwe mikakäre gare jai nitre Testiko yebätä ja gwirete. Ye medenbätä, raba nemen bare angwane, mäkwe nitre nübai Internet käi nikwe ye mike ñärärä.
Kukwe ngwantarita ye mäkwe mika garebiti. Kukwe drie tädre ye käi känti ni iti törbadre kukwe mikai gare jai o ni gare mäi ye kukwe ngwandretari mäi nitre Testiko yebätä angwane, kukwe ye mikata gare ño ye mäkwe mika tuare drekebe ngwarbe ie computadora, celular o tableta yete. Akwa ngwen törö jai, käre ñäkädre texto tä mikani yebätä ye bäri kwin. Akwa kä ye ngwane Internet ñaka tädre mäkwe angwane, niara raba kukwe ye mike gare ño jai jw.org yekänti ye mäkwe mika gare ie. Kukwe ne tä kukwe suliarebiti aune kukwe mada jene jene yebiti. (Mäkwe clic mika “Enseñanzas bíblicas/Preguntas sobre la Biblia” o “Sobre nosotros/Preguntas frecuentes” yebiti.)
Mäkwe tärä juan Internet yebiti ni gare mäi ye kräke. Correo yete mäkwe archivos PDF o EPUB ye juan, aune mäkwe tärä ye dianinkä Internet käi nikwe yekänti ye mäkwe mika gare. Arato tärä grababare ye mä raba denkä aune grabare CD yete. Tärä aune täräkwata ye ngöi biandre ni ñaka ja ngökabare ñöte yei angwane, täräkwata chi känti sribi nuainta Ngöbö kräke mikata gare yebätä tikadre. Akwa ñaka tärä juandre krubäte aune ñaka mikadre Internet käi mada yekänti. (Mäkwe clic mika “Tärä” yebiti.)
Kukwe nemen bare mrä mrä ye mä mika tuare. Ne käkwe nitre ja tötikaka mäbe aune nitre tuabitita mäkwe ye dimikai aune rükai gare ietre nita kukwe driere kä jökräbiti tibien aune ni kristiano tä sribire keteitibe ye rabai mike ütiäte jai (Sal. 133:1). Kä nengwane, kukwe ne tä kukwe suliare ye aibebiti aune kukwe mada ruäre yebiti. (Mäkwe clic mika “Noticias” nieta yebiti.)
[Jondron üai bämikani página 5]
(Mä törba kukwe ye mikai ñärärä bäri kwin angwane, mäkwe tärä o täräkwata ne mika ñärärä)
Nuainne mada
1 Kukwe “Tärä” nieta yekänti, mäkwe tärä keteitibiti clic mika ne kwe kukwe tä tikani o tä grababare ye mäkwe diandrekä ja kräke.
2 Mäkwe clic mikai botón “MP3” kräke yebiti angwane, tärä keta kabre grababare ye kwandi mäi. Kukwe tä täräkwata yebätä yebiti mäkwe clic mika ne kwe mä rabadre denkä ja kräke o mä törba kukwe nuai Internet yete angwane mä raba clic mike ▸ yebiti.
3 Mä tö tärä o täräkwata diainkä ja kräke kukwe madabiti angwane, mäkwe känä nete.