Kukwe driekäre

Sabado kena abril yebätä ja tötika Bibliabätä kömikadre ño

“Nunta nitre tuinbiti dimikakäre ja töi mike ñäke Bibliabätä, akwa nitre kwati tä niere nunye kukwe ye ñaka tä memen nüke gare ietre. ¿Mä abokän ie tuin ño? ¿Ñaka raba nüke gare raba ruin mäi? [Mäkwe tuanmetre blite.] Dre nieta nete mike ñärärä.” Kukwe tä mikani täräkwata Ni Mikaka Mokre 1 abril kä mrä yebätä ye mäkwe mika tuadre ie aune mäkwe ja tötika kukwe ngwantarita kena yebätä ben aune texto keteitibätä mäkwe ñäkä. Mäkwe täräkwata drie ie aune köbö ükate jai kukwe mada ngwantarita kädriekäre ben.

Ni Mikaka Mokre 1 Abril

“Ni jökrä tä ja tuin kukwe tare keta kabre ben, ye medenbätä nitre ruäre tä nemen ngwentari jai erametre ni raba nüne kä jutobiti aune kukwe ütiäte nuainne ja nire nikwe yebiti. ¿Dre köböire metrere ni ñaka nüne kwin aune kä jutobiti raba ruin mäi? [Mäkwe tuanmetre blite.] Ngöbö tä käbämike nie Biblia yebätä gwäune kukwe tare ben nita ja tuin ye jökrä diainkä kwe [mäkwe ñäkä Apocalipsis 21:4 yebätä]. Dre kwin tä ni kräke ja känenkäre aune ño ni raba kukwe ütiäte nuainne ja nire nikwe yebiti kä nengwane ye täräkwata ne tä mike gare.”

¡Despertad! Abril

“Nitre nuainta tare gwi ye nemen bare kä jökräbiti tibien. Nitre ruäre ngübabare ño nämene chi ye ngwane, tätre nüne ño aune jondron dianta kwetre jai ja näkwitara känti ni mada nuainta tare tuata kwetre ye ererebätä tätre ja ngwen nieta. ¿Dre köböire metrere kukwe tare ne tä nemen bare raba ruin mäi? [Mäkwe tuanmetre blite.] Nitre gure rabadre nüne ño jabe nieta Bibliakwe ye ti bike mike tuadre mäi [mäkwe ñäkä Efesios 5:33 yebätä]. Kukwe Bibliabätä ja jie ngwankäre käkwe nitre gure kwati dimikanina ye täräkwata ne tä mike gare.”