Kukwe driekäre

Sabado kena julio yebätä ja tötika Bibliabätä kömikadre ño

“Ni jökrä tö nünain raire aune kä jutobiti. Mätä töbike ño ye ti törba mikai gare jai: ¿nitre ja tötikaka jondron sribebare yebätä aune kräkä keta kabre sribeta ye köböire ni raba nüne kärekäre raba ruin mäi?” Ni gwi blitadre ye bitikäre, kukwe tä mikani täräkwata Ni Mikaka Mokre 1 julio página mrä yebätä ye mäkwe mika tuadre ie aune mäkwe ja tötika kukwe ngwantarita kena yebätä ben aune texto keteitibätä mäkwe ñäkä. Mäkwe täräkwata ye drie ie aune mäkwe köbö ükate jai kukwe mada ngwantarita ye kädriekäre ben.

Kukwe nieta: 6 julio yete gätä nuaindi kukwe driekäre ye ngwane kukwe ne bämikadre.

Ni Mikaka Mokre 1 Julio

“Nitre kwati ben nunta blite yekwe iglesia tärä jeñe. Akwa nitre mada abokän tä niere nunye niaratre ñaka niena tö ngwen iglesia yei. ¿Mä abokän tä töbike ño kukwe yebätä? [Mäkwe tuanmetre blite.] Iglesia keta kabre yebätä kukwe mikadre gare jai angwane, nikwe dre ngwandre törö jai ye Jesukwe niebare nie [mäkwe ñäkä Lucas 6:44a yebätä]. Iglesia keta kabre yete kukwe käme nuainta abokän ruäre täräkwata ne tä mike gare aune kukwe ngwantarita ne mikata garebätä arato: ‘¿Tö ngwan raba iglesia ruäre ie?’.”

¡Despertad! Julio

“Nunta nitre tuinbiti blitakäre ben kukwe tä ni mike töbike krubäte yebätä: kukwe käme nuainta. Gare mäi ye erere, nitre ruäre tä ja mike kukwe käme nuainta ye rüere. Kukwe nuainta rüere ja mikata, ¿ye köböire tä nemen ükaninte raba ruin mäi? [Mäkwe tuanmetre blite.] Dre aibe köböire kukwe ye ükate raba ye Biblia tä mike gare [mäkwe ñäkä Mateo 6:9, 10 yebätä]. ‘¿Kukwe nuainta rüere ja mikata ye köböire tä nemen ükaninte?’ Kukwe ngwantarita ne mikata gare täräkwata nebätä.”

Ngöböta kukwe kwin mike gare nie

“Nunta kukwe ütiäte krubäte Bibliabätä mike gare matare. Nitre kwati tä ngwentari jai ñobätä Ngöbö ni tarekä ye tä ja tare nika tuenmetre nakainkä krubäte. ¿Niarakwe ni mikani Kä tibienbätä ja tare nikakäre raba ruin mäi?” Mäkwe tuanmetre blite biti kukwe ja tötikara 5 ye mäkwe känä. Párrafos ketebu kena aune texto Bibliabätä tä mikani cursivas yebätä mäkwe ñäkä aune ja tötika ben. Mäkwe täräkwata drie ie aune mäkwe köbö ükate jai kukwe ngwantarita ketebukäre tä jükani drüne yebätä ja tötikakäre ben.