Kukwe driekäre

Sabado kena junio yebätä ja tötika Bibliabätä kömikadre ño

“Kukwe ütiäte ngwantarita nebätä nunta blite jötrö nitre ben. [Täräkwata Ni Mikaka Mokre 1 junio página mrä yekänti kukwe ngwantarita ye mäkwe mika tuadre ie.] ¿Mä abokän tä töbike ño?” Mäkwe tuanmetre blite. Kukwe ngwantarita kena yekänti kukwe nieta ye mäkwe kädrie ben aune texto keteitibätä mäkwe ñäkä. Mäkwe täräkwata ye drie ie aune mäkwe köbö ükate jai kukwe mada ngwantarita ye kädriekäre ben.

Ni Mikaka Mokre 1 Junio

“Sö duata ye köböite nitre tä krüte 6,000,000 kä kwatire kwatire. ¿Dre nuain raba kukwe blo ye ketabätäkäre raba ruin mäi? [Mäkwe tuanmetre blite.] Ngöböta dre niere kukwe yebätä tä nemen gare nitre kwati ie angwane, tätre ja töi mike ñaka sö duin mada o tätre tuenmetre täte. Ñodre, nitre ruäre tä sö duin ye ngwane tä mate ño ni madabätä ye ngwanina töbike bersikulo nekwe. [Mäkwe ñäkä 1 Corintios 10:24 yebätä.] Ngöbö töita ño ye rabadre gare nitre ie ye köböire raba sö dua ye tuenmetre ye mikata gare täräkwata nebätä.”

¡Despertad! Junio

“Internet käi ruäre (o redes sociales) ye köböire nitre ie ja ketamuko tä kwen bäri. ¿Ja ketamuko metre ye töi ño abokän meden bäri ütiäte raba ruin mäi? [Mäkwe tuanmetre blite.] Biblia tä kukwe kwin niere ja ketadre ni madabe yebätä ye mikata gare keteiti nete. [Mäkwe ñäkä Santiago 1:19 yebätä.] Kukwe ketabäkä nieta ja jie ngwankäre abokän köböire ni raba nemen ja ketamuko kwin ni madakwe ye mikata gare täräkwata nebätä.”