Kukwe driekäre

Sabado kena mayo yebätä ja tötika Bibliabätä kömikadre ño

“Kukwe ütiäte ngwantarita nebätä nunta blite nitre ben. [Täräkwata Ni Mikaka Mokre 1 mayo página mrä ye mäkwe mika tuadre ie.] ¿Mä abokän tä töbike ño?” Mäkwe tuanmetre blite. Kukwe ngwantarita känti kukwe nieta ye mäkwe kädrie ben aune texto keteitibätä mäkwe ñäkä. Mäkwe täräkwata ye drie ie aune mäkwe köbö ükate jai kukwe mada ngwantarita ye kädriekäre ben.

Ni Mikaka Mokre 1 Mayo

“Dre rabai bare ja känenkäre ye nitre kwati tö mikai gare jai. ¿Dreta ja känenkäre yebätä mätä töbike ño? ¿Mätä tö ngwen ie o tä mä mike töbike? [Mäkwe tuanmetre blite. Biti recuadro kädekata “Kä ja känenkäre yebätä Ngöböta dre niere” yekänti texto tä yebätä mäkwe ñäkä keteiti.] Kukwe ruäre rabai bare nieta Ngöbökwe aune rabai bare metre ye ñobätä rabadre gare metre nie mikata gare täräkwata nebätä.”

¡Despertad! Mayo

“Nita nainte krubäte kukwe ruärebätä yebe ja tua raba ño ye nunta kädriere nitre ben. ¿Kä nengwane nitre tä bäri nainte krubäte kukwe ruärebätä mekerabe yebiti ta raba ruin mäi? [Mäkwe tuanmetre blite.] Kukwe kwin nieta Bibliabätä yekwe nitre kwati dimikanina ñaka nemen nainte krubäte. Ti törba mikai gare keteiti mäi. [Mäkwe ñäkä Mateo 6:34 yebätä.] Kukwe ja jie ngwankäre nieta Bibliabätä ye raba ni dimike ño ja tuin kukwe ketabäkä tä ni mike nainte krubäte yebe ye mikata gare täräkwata nebätä.”

Nota: Täräkwata ne raba nemen tuin ütiäte metrere nitre jondron rürübäinkä yei.