Kukwe driekäre

¿Kukwe ütiäte ngwantarita jai ye medente raba nemen gare nie?

Mäkwe täräkwata chi ye bian ni gwi yei ne kwe kukwe nieta kena ye mikadre ñärärä kwe, biti mäkwe nie krörö: “Ñantörö. Kukwe ütiäte krubäte tä täräkwata nebätä abokän döräita kä jökräbiti tibien abokän tita döräire siba. Ne mä kräke”.

Nitre ñaka gwi yekänti mäkwe täräkwata chi ye mikate angwane, ñaka mikate kä merete aune ñaka mritaka krubäte.

Ni gwi törbadre kukwe tä täräkwata chi yebätä ye mikai gare bäri jai o törbadre blitai bäri angwane, kukwe ngwantarita kena yebätä niara töita ño ye mäkwe niemana ie. Mäkwe täräkwata chi ye metate aune mäkwe ñäkä Salmo 119:144, 160 yebätä ie. Täräkwata chi ye tä kukwe mike gare Internet käi nikwe yebätä abokän köböire tä kukwe ngwentari jai ye raba nemen gare ie Bibliabätä Internet käi yete ye mäkwe mika gare ie. Video ¿Ñobätä ja tötikadre Bibliabätä? ye mä raba mike tuare ie. Mä jämi nikenta ye ngwane, kukwe ngwantarita ketamä página mrä yebätä ye mäkwe mika tuare ie aune törba kukwe meden mikai gare bäri jai mäkwe ngwantari ie. Mä rikaita känti kukwe ye mikakäre gare ie Bibliabiti jw.org yebiti mäkwe nie ie. Mä rikata känti ye ngwane, kukwe ngwantarita ye mäkwe kädrie ben TÄRÄ > TÄRÄ AUNE TÄRÄKWATA nieta yekänti.

Ni Mikaka Mokre 1 Agosto

Bämän krüte yebätä raba angwane, mäkwe kukwe ne nie täräkwata Ni Mikaka Mokre ye driekäre: “Täräkwata sö nebätä ne ti törba mikaite mäi arato. Täräkwata Ni Mikaka Mokre ne tä kukwe ngwantarita ne mike gare: ‘¿Ngöbö töita mäbätä?’”.

¡Despertad! Agosto

Bämän krüte yebätä raba angwane, mäkwe kukwe ne nie täräkwata ¡Despertad! ye driekäre: “Ti törba täräkwata sö nebätä ne mikaite mäi arato. Täräkwata ¡Despertad! ne tä kukwe ngwantarita ne mike gare: ‘Dre nuaindre rabakäreta jäme jabe’”.