Kukwe driekäre

Ni Mikaka Mokre 1 Abril

“Nunta täräkwata ne bien nitre nünankä nere yei. [Mäkwe täräkwata chi ¿Mätä Biblia ye mike tuin ño jai? ye bian ie aune kukwe ngwantarita kena ye mäkwe ngwantari ie. Ye bitikäre Biblia tä kukwe ye mike gare ño 2 Timoteo 3:16 yekänti ye mäkwe mika gare ie aune mäkwe nübai ñäke täräkwata yebätä.] Kukwe ne kwrere ngwantarita ye Biblia tä mike gare ye ñaka gare nitre kwati ie. [Kukwe kädrieta kena täräkwata Ni Mikaka Mokre yebätä yekänti kukwe ngwantarita kena ye mäkwe mika tuare ie.] Ja tötikadre Bibliabätä ye ñobätä ütiäte krubäte ye mikata gare täräkwata nebätä.”

Kukwe nieta tärä driekäre sö abril 2015 yebätä: Tärä tikwe tä blite Bibliabätä

¿Ñobätä Biblia tikani ye mä tärä ngwentari jai? [Mäkwe tuanmetre blite.] Tikani ni mikakäre mokre akwa ye ñaka gare nitre ruäre ie. Mäkwe ñäkä 1 Corintios 10:11 yebätä. Kukwe ketebukärebätä tikani ye mikata gare 2 Timoteo 3:15 yekänti, aune nita Biblia ye ribere jai ne kwe ni rabadre kwäre ye mikata gare nie. Ni mikadi kwäre ño ye Isaías Biblia tikaka käkwe mikani gare ye ti törba mikai gare mäi, kukwe kira ye mikata gare tärä nebätä. [Mäkwe kukwe kira 71 ye känä aune mäkwe ñäkä párrafo kena aune mrä yebätä.] Mäkwe tärä ye drie ie.