Kukwe driekäre

Nitre nübaikäre Jesús Ja Nire Biani Ngwainta Törö jai ye kräke

“Ñantörö. Gätä ütiäte krubäte nuaindi abokän kräke ti törba mä nübaidi. Köbö 3 abril yete, nitre kwati krubäte kä jökräbiti tibien käkwe ja ükaikrö Jesukristo murie ketani ye ngwankäreta törö jai aune Jesús murie ketani ye köböire dre kwin tä nemen nikwe yebätä kukwe Bibliabätä kädriei abokän ütiä kärä ñaka ye kukwe nuakäre arato. Nunta nüne yekänti nuaindi kä medenkänti aune ora nuäi te ye mikata gare täräkwata nebätä.”

Ni Mikaka Mokre 1 Marzo

“Jesús murie ketani ye ngwainta törö jai köbö 3 abril yete. Nunkwe ja ükaikrö kukwe ye ngwankäreta törö jai nitre ruäre nünanka nere ben. Akwa, Jesús ja biani murie ketadre ye ñaka ütiäte ni kräke nitre ruäre tä nütüre. ¿Mä abokän töita ño? ¿Jesús murie ketani aune ganinkröta ye köböire kukwe kwin raba nemen nikwe raba ruin mäi? [Mäkwe tuanmetre blite.] Ngöbö Kukwei tä dre niere kukwe yebätä ye mike ñärärä. [Mäkwe ñäkä 1 Corintios 15:22, 26 yebätä.] Jesús ja nire biani ye köböire nitre käkwe nünain ja känenkäre kä Tibienbätä ye ñaka krütai jire mada ye mikata gare täräkwata nebätä.”

Kukwe nieta tärä driekäre sö marzo 2015 yebätä: Tärä tikwe tä blite Bibliabätä

“Köbö kwin dekä. Tiki kukwe kwin krubäte mike gare mäi. ¿Ni raba nüne kä jutobiti ja känenkäre ye mä tärä ngwentari jai? [Mäkwe tuanmetre blite. Biti mäkwe tärä ye mika tuare ie página 115 yekänti aune jondron bämikani yete ye mäkwe mika tuare ie. Biti mäkwe ñäkä párrafo ketebukäre yebätä ie.] Kukwe ne rabai bare metre ye gare kwin nunye ñobätä ñan aune Ngöböta kukwe ye käbämike. [Mäkwe ñäkä 2 Ped. 3:13 yebätä.] Ni tare Ngöbökwe aune töita nibätä ye rükadre gare bäri kwin nie yekäre tärä ne sribebare. [Mäkwe tärä ye drie.]”