Kukwe driekäre

Sabado kena marzo yebätä ja tötika Bibliabätä kömikadre ño

“Nunki mä känti jötrö ngwarbe kukwe ütiäte nuaindi köbö 14 abril yete ye mikakäre gare mäi. Jesús ja nire biani ngwainta törö jai köbö yete. Nitre ruäre tä ja ükökrö Jesús ja nire biani ye ngwankäreta törö jai ñobätä ñan aune murie ketani ye köböire kukwe kwin tä ni kräke nemen ruin ietre, akwa nitre mada abokän ie ñaka nemen tuin ütiäte. ¿Jesús murie ketani ye köböire kukwe kwin raba nemen nikwe raba ruin mäi?” Mäkwe tuanmetre blite. Biti täräkwata Ni Mikaka Mokre 1 marzo página mrä ye mäkwe mika tuadre ie aune mäkwe kukwe ngwantarita kena ye kädrie ben bätä texto keteitibätä mäkwe ñäkä. Mäkwe täräkwata ye drie ie aune mäkwe köbö ükate jai kukwe mada ngwantarita ye kädriekäre ben.

Ni Mikaka Mokre 1 Marzo

“Kukwe käme nuainta aune ja tare nikata käbiti tibien ye ñobätä Ngöbö ñaka mike krüte ye nitre kwati nemen ngwentari jai. ¿Kukwe ye ñaka töibikadre kräke, o nita ja tare nike ye nemen kwin ni kräke nemen tuin ie yebätä raba ruin mäi? [Mäkwe tuanmetre blite. Biti mäkwe ñäkä Juan 3:16 yebätä.] Ngöbö töita nibätä ye nitre kwati nemen mike gare metre bersikulo yebiti, akwa Ngöbö Monsoi ja nire biani murie ketadre ye köböire kukwe kwin raba nemen nikwe ye ñaka gare metre ietre. Kukwe käme nuainta aune ja tare nikata ye diainkä ño Kä tibienbätä Jesús ja biani murie ketadre ye köböire ye mikata gare täräkwata nebätä.”

¡Despertad! Marzo

“Bersikulo keteiti ne nüke gare jene nitre kwati ie akwa nun tönibi mikai gare metre mäi yekäre nunki jötrö ngwarbe mä känti [mäkwe ñäkä Génesis 1:1 yebätä]. Nitre ruäre tä nütüre jondron jökrä ye sribebare, nieta nete ye erere, akwa ye erere namani bare ye ñaka tuin metre nitre mada ie. ¿Mä abokän tä töbike ño? [Mäkwe tuanmetre blite.] Jondron dätebare ye ñaka nemen tuin metre nitre kwati ie ñobätä ñan aune kukwe nie ñaka Bibliabätä ye drieta nitre ji ngwanka iglesiate yekwe. Jondron jökrä däte jatani ño ye Biblia tä mike gare metre aune kwin ye mikata gare täräkwata nebätä.”