Kukwe grababare yebiti dre nuaindre
1. Täräkwata sribeta ye tä nikwe, ¿aune dre mada kwin tärä ni dimikakäre?
1 Internet käi jw.org ye köböire, nitre kwati tätre ñäke kukwe keta kabre kwin aune metre yebätä (Ecl. 12:10). Akwa ¿kukwe grababare ye kukwe nuanina kwetre? Tärä aune täräkwata tä Internet käi yete ye jökrä bäsi tä grababare arato. ¿Kukwe medenkänti bäri kwin?
2. ¿Kukwe grababare yebiti ni raba ja tötike ño kaibe aune ni mräkäbe?
2 Ja tötikakäre kaibe aune ni mräkäbe. Nita niken kä madakänti o nita sribire gwita ye ngwane, kukwe Bibliabätä, täräkwata o tärä mada grababare ye ni raba kukwe nuin ne kwe kä ñaka rikadre ta nikän (Efes. 5:15, 16). Nita ja tötika ni mräkäbe nuainne ye ngwane ni raba kukwe grababare ye kukwe nuin aune ñäke täräbätä bengwaire arato. Nita ja tötike kaibe ye ngwane, kukwe grababare kukwe nuadre ye raba ni dimike ñäke kwin täräbätä o nita ja kite blite kukwe madabiti angwane raba ni dimike.
3. Nita niken kukwe driere ye ngwane nitre tä kwen nie, ¿meden metrere raba ja tötike bäri kukwe grababare yebiti?
3 Kukwe driekäre. Nita niken kukwe driere ye ngwane, nitre kwati tä kwen nie yei kä ñaka ñäkäkäre täräbätä tätre nemen nütüre, akwa törba kukwe grababare ye kukwe nuai. Nitre mada abokän blite kukwe madabiti akwa Gobran Ngöbökwe kukwei nuadre kwetre ja kukwei yebiti angwane raba kain ngäbiti (Hech. 2:6-8). Nitre kwati blitaka kukwe madabiti ye kräke ni mada kukwe nuadre ye ütiäte krubäte. Ñodre, nitre hmong ye tä kukwe keta kabre ükete ne kwe nitre rüne aune meyere rabadre kukwe ye niere kukwere monsotre kwetre ie, aune kukwe kukwe nuata kwetre ye nüketa törö nuäre ietre. Kä keta kabre África yekänti, nitre kwati töta nemen ja tötikai kukwe kädrieta ye kukwe nuata kwetre ye köböire.
4. Nita kukwe driere ye ngwane nikwe kukwe grababare mikadre kukwe nuadre angwane, ¿ni raba kukwe meden ngwentari käne jai?
4 Mätä kukwe driere yekänti, ¿kukwe grababare nitre ye kukweibiti ye mika raba kukwe nuadre ietre? ¿Kukwe grababare nita juen correo yete ye raba nire dimike raba ruin mäi? ¿Ni ruäre tö namani kukwe mikai gare bäri jai ye kräke ni raba kukwe grababare ye denkä aune bien ie tärä yebe gwaire? Tärä, täräkwata, o täräkwata kia juandre täte correo yebiti ye täin raba nita kukwe driere ye kwrere. Kukwe grababare ye ñaka sribebare ja tötikakäre ni aibe ie, ñakare aune kukwe metre nura kwrere ye nökakäre arato (1 Cor. 3:6).