¿Biblia tä mikani audiore ye mätä kukwe nuin?

¿Biblia sribebare audiore ye abokän ño? Ye abokän Traducción del Nuevo Mundo tuaninteta grababare aune ja di ngwanta kwitakäre kukwe jene jenebiti. Ye kwin krubäte ñobätä ñan aune nitre ño ño kädekaninte Bibliabätä ye erere kräke nitre kukwei mikani. Ne madakäre kukwe meden bäri ütiäte aune ja nämäne ruin ño ietre ye erere ja kukwei mikata grabakäre ne kwe mikadre gare metre ta.

¿Biblia audiore kukwe nuata ye köböire dre kwin tä nemen nikwe? Nitre kwati tä Biblia audiore ye kukwe nuin aune nitre ño ño kädekateta Bibliabätä ye ererebätä ni kukwei jene jene tä mikani ye köböire kukwe mika Bibliabätä yete niaratre tä aune tä tuin ja okwä jeñebiti tä nemen ruin ietre. Aune kukwe nieta Bibliabätä ye tä nüke gare bäri kwin ietre (Pr 4:5). Nitre mada tä nemen ja töibikaire ye ngwane, tä grabación ye kukwe nuin ye köböire töita nemen jäme nieta kwetre (Sl 94:19).

Biblia audiore kukwe nuata ye raba nemen kwin krubäte mä kräke (2Cr 34:19-21). ¿Kukwe nüke gare mäi yebiti Biblia audiore tärä täte o ruäre? ¿Mä raba ja töi mike kukwe nuakäre bäri?

VIDEO BIBLIA GRABABARE: AUDIORE (OTO CHI) YE MÄKWE TUA, BITI KUKWE NGWANTARITA NE MÄKWE MIKA GARE:

¿Biblia sribebare audiore yebätä dre tuin bäri kwin mäi?