“Kä kwinta mrä” aune “kä tibien mrä” ye käita juto krubäte nibätä

Jondron ükaiteta käbämikani Isaías 65 yekänti ye namanina bare metre ye kwrere Jehová tä blitebätä.

Jehovakwe “kä kwinta mrä” aune “kä tibien mrä” sribedi, kä yekänti kukwe känekäne ñaka rabaira törö

65:17

¿“Kä kwinta mrä” ye abokän dre gärätä?

• Ye abokän gobran mrä käkwe kukwe ükaite metre.

• Gobran ye kömikani kä 1914 yete, Jesús mikani Reire Gobran Ngöbökwe yete ye ngwane.

¿“Kä tibien mrä” ye dre gärätä?

• Ye abokän nitre nüne juta jene jene te, blite kukwe jene jenebiti aune kwata bä jene jene käkwe Gobran Ngöbökwe ye kai ngäbiti ja gobraine.

¿Kukwe känekäne ñaka rabaira törö ye dre gärätä?

• Nita ja tare nike, nita nemen ulire o ja ñaka nemen ruin kwin nie kukwe ruäre köböite ye ñaka rükaita törö nie.

• Nitre tä ja ngwen metre Jehovai yekwe nünandi kwin, aune mantre jetebe kukwe kwin täi nemen bare ye täi törö kwekebe ietre.