Ni ñaka rabadrera nüne käne ye erere ngwane, nikwe kä ngwandre nüke jai kukwe ja üairebiti

Kukwe keta kabrebätä ni ñaka niena nüne käne ye erere. Kukwe ye tä nemen bare bäri kä krüte nete (1Co 7:31). Kukwe ye rabadre bare nibätä o ñakare aune kukwe ye kwin ni kräke o ñakare rabadre ruin nie, akwa ye köböite ni ñaka raba Jehová mike täte kwin aune ni ñaka raba ja kete kwin ben. Ni ñaka rabadrera nüne käne ye erere ngwane, ¿dre raba ni dimike ja ngwen mokre aune ngwäte jankunu kukwe ja üairebiti? Video Ni rikadre nüne kä madakänti ngwane, nikwe ja ngwandre dite jankunu kukwe ja üairebiti ye mäkwe tua, biti mäkwe kukwe ngwantarita ne mika gare:

• ¿Nitre ja mräkäre ye rün ie ja mräkä iti käkwe dre niebare jie ngwankäre?

• Kukwe ja jie ngwankäre tä Mateo 7:25 yete, ¿ye nitre ja mräkäre dimikani ño?

• Niaratre rikadre nüne kä madakänti ye känenkri, ¿kukwe ükaninte ño kwetre jai aune yekwe dimikani ño?

• ¿Dre käkwe niaratre dimikani ne kwe ja rabadre ruin kwin ietre konkrekasion yete aune kukwe driere?

Bitinkä, ¿kukwe meden medenbätä ti ñan niena nüne käne ye erere?

Kukwe ja jie ngwankäre nie miri gare video yete, ¿ye erere ti raba nuainne ño ja tuakäre kukweta ti kisete yebe?