Pascua ye ñaka nämene Jesús Ja Nire Biani Ngwanta Törö Jai ye bämike, akwa ni raba kukwe ruäre mike gare jai Pascua yebätä. Ñodre, apóstol Pablo Jesús bämikani cordero ye kwrere niara kukwe ne tikani ye ngwane: “kordero Pascuakrä kämikata [...] ye kwrere Kristo krütanina ni ngite diankakäre nibtä” (1Co 5:7, Kukwe Kuin Ngöbökwe). Cordero därie jüaninte jukwe kräbätä ye köböire nitre namaninte nire aune Jesús därie ye köböire ni raba nemente nire arato (Éx 12:12, 13). Ne madakäre, cordero sribe nämene Pascua näire ye krä ötaka ñaka nämene jire aune Jesús ñaka krä ötaninkä jire arato, akwa kä ye näire nitre jäkä nämene kribätä kwin ye krä ötaka nämene (Éx 12:46; Jn 19:31-33, 36).