Ni nämäne ja ngwen ño käne ye nikwe tuanemetre aune nikwe ja ngwandre ni bitin kwrere

3:5-14

Kukwe metre namani gare mäi ye ngwane, ¿mä nämäne ja ngwen ño käne ye mäkwe tuanimetre drekebe ngwarbe? Mäkwe ja di ngwani ja töi kwitakäre ye käi namani juto krubäte Jehovabätä (Eze 33:11). Akwa, nikwe ja di ngwandre jankunu ja ngwankäre ni bitin kwrere ye ütiäte krubäte, ne kwe ni nämäne ja ngwen ño käne ye erere ni ñaka rabadreta ja ngwen. Drebätä mä rabadre ja töi ükete bäri kwin ye mikakäre gare jai, mäkwe kukwe ngwantarita ne mika gare:

• ¿Ni iti kukwe ñaka kwin nuainbare tibätä ye kräke ti täbe rubun?

• Tita näin jötrö o tita nainte ngwane, ¿tita ni mada ngübare bätärekä?

• Ni nemen kämekäme jabe tä nüke ti töite ngwane, ¿bengwairebe tita denkä ja töite?

• ¿Ti ñaka tä nitre kwata bä jene o nünanka juta madate ye kain ngäbiti ja erebe?

• Bitinkä, ¿tikwe ngratebare ni itibiti o tikwe ñaka ngübabare bätärekä?