Nita dre ribere jai ye gare Jehová ie

Ni klabore ie tö ngwan raba bätä töbätä ye tä ni buke kukwe ja üairebiti “kätä nüke ye näre te”. Ye tä mike gare Jehová, abokän nitre klabore jie ngwanka, nita dre ribere kukwe ja üairebiti ye gare kwin ie (Mt 24:45, TNM). Ñodre, gätä nuainta bämän ngrabare aune gätä kri regional nuainta yebiti nemen gare metre nie.

VIDEO NITRE DIANINKÄ TÄ KUKWE ÜKETE NI TÖTIKAKÄRE KUKWE MIKANI GARE (2017) YE MÄKWE TUA, BITI MÄKWE KUKWE NGWANTARITA NE MIKA GARE:

• 

  Gätä kri nuainta tä mate kwin nibätä yebätä, ¿nire käikitadrekä aune ñobätä?

• Dre dre nuaindi gätä kribätä, ¿ye ñongwane ükateta?

• 

  Kukwe meden meden kädriei gätä kribätä, ¿ye ñokänti diankata?

• ¿Dre dre nuainta gätä kri ye kräke?

• Kukwe nuainta ja tötikakäre kwela Galaad yete, ¿ye erere nuainta ño gätä nuainta bämän ngrabare yete?

• 

  Kukwe ja jie ngwankäre gätäte ye nuainkäre departamento keta kabre, ¿ye tä dre nuainne?

¿Mrö ja üaire bianta erere Jehovakwe nie yebätä jata nemen ruin ño mäi?