“Kukwe nieta kukwe driekäre” yebiti diridre ño

Enero 2018 yete ja känenkäre sección “Kukwe nieta kukwe driekäre” ye mika jatani täräkwata Kukwe ja jie ngwankäre gätäte Nita Dirire aune Ja Ngwen Ño yete. ¿Ni raba dirire ñobiti?

Kukwe kädrieta. Texto, kukwe ngwantarita aune kukwe ngwantarita ni tuabitikäreta tä mikani tärä yebätä yebiti diridre. Akwa kukwe nieta videote ye erere ñaka nie rikadre jatäri. Ñodre, kukwe jene bämikadre, kömikadre o mika raba gare bä jene. Aune täräkwata dirikäre bäri ye driedre mika ñaka gare akwa ni raba bien.

Nita kukwe driere ngwane. Kukwe nieta kukwe driekäre ye mikani ne kwe ni dimikadre kwe nita kukwe driere ye ngwane. Ni iti tö rabadre kukwe mikai gare bäri jai ngwane, ni raba blite jankunu ben aune kukwe mikata gare ni tuabitikäreta yebiti ni raba blite arato. Dre nemen bare ye ererebätä kukwe mikata gare ye erere bäsi ni raba niere o kukwe jenebätä ni raba blite. Nita kukwe driere yekänti nikwe blitadre kukwe mikata gare sö mada ye kräke o texto madabiti ngwane, ¿raba nemen bäri kwin? ¿Kukwe bitinkä mikata gare o kä yekänti kukwe namani bare bitinkä ye tuin bäri ütiäte nitre ie? Kukwe nieta yebiti ni tö rabadre kukwe driei ño ye erere ni raba nuainne akwa metrere ni tö kukwe kwin ye mikai gare nitre madai, ye nikwe ñaka käi kwitadrekä jabiti (1Co 9:22, 23).