Kukwe nieta kukwe driekäre yebiti kukwe driedre ño

Kukwe nieta kukwe driekäre yebätä töbikabare kwin mikakäre aune nitre kukwe driekä kwati käite kukwe yebiti dirita kwin krubäte mikata gare kwetre. Akwa kukwe ja erebe ñan nemen bare kä jökrä yete. Ye medenbätä, nitre kukwe driekä tä niken kukwe driere ngwane, raba kukwe ye mike gare jene o kukwe mada tuin ütiäte niaratre käite ye ererebätä blite. Akwa metrere kukwe meden ükaninte campaña kräke ye erere ni jökrä rabadre nuainne. Kukwe kwin gobran Ngöbökwe yebätä driedre mikani gare Jesukwe ye erere ni tö nuaindi metrere (Mt 24:14).

Gätä bämä ngrabare yete ni kukwe driekä iti tä kukwe kädriere ngwane, kukwe nieta kukwe driekäre tä täräkwata Kukwe ja jie ngwankäre gätäte yebiti rabadre nuainne. Akwa kukwe mada nie ñaka ie ye ngwane, raba kukwe ngwantarita, texto aune kukwe ngwantarita ni tuabitikäreta ye kwite o kukwe jene bämike ne kwe kukwe meden nemen bare ni käite ye ererebätä kukwe bämikadre. Kukwe mikani gare täräkwata Kukwe ja jie ngwankäre gätäte página 8 junio 2020 ye mikata gare bäri kwin kukwe nebiti.