NITA JA NGWEN ÑO
Nitre rüne, munkwe monsotre ye dimika ja ngwankäre mokre
Kä ne näire kukwe kwin ye käme aune kukwe käme ye kwin ye nitre kwati tä driere (Is 5:20). Kä nengwane kukwe ñaka tuin kwin Jehová ie ye nitre kwati tä nuainne. Ñodre, nitre meri ja erebe o brare ja erebe tä küdrere jabätä kwärikwäri. Aune monsotre nänkä kwelate o nitre nünanka ni bäre raba monsotre nikwe töi mike kukwe ye erere nuainne. Nitre rüne, ¿mun raba monsotre dimike ja tuakäre kukwe ye erere ben?
Kukwe meden tuin kwin Jehová ie ye driere ietre (Le 18:3). Kä rabadre nuäi monsotrebiti ye ererebätä Biblia tä dre niere ni nemen jabe yebätä ye driere ietre (Dt 6:7). Mun raba kukwe ne ngwentari jai: “¿Ja tare bämikadre ngwane meden kwin ye tita driere monsotre tikwe ie? ¿Nikwe ja ngwä kitadre kwin ye ütiäte krubäte ye gare ietre? ¿Kukwe bäin niaratrekwe ye nitre mada käkwe mikadre ütiäte jai ye nüke gare ietre? ¿Ni iti tö rabadre üai butiere mikai tuare ietre o kukwe käme nuain bätätre ngwane, dre nuaindre kwetre ye nüke gare ietre?”. Kukwe ne niena gare jökrä ietre ngwane, kukwe tare ñaka rabai bare bätätre (Pr 27:12; Ec 7:12). Monsotre nikwe ye nita tötike ngwane, kukwe ütiäte biani Jehovakwe nie ye ütiäte ni kräke ye nikwe bämikai (Sl 127:3).
VIDEO NIKWE JU SRIBEDRE DITE NE KWE ÑAKA RIKADRE TIBIEN. NIKWE MONSOTRE NIKWE KRIEMIKADRE “KUKWE KÄMEKÄME” YEBÄTÄ YE MÄKWE TUA, BITI MÄKWE KUKWE NGWANTARITA NE MIKA GARE:
¿Ñobätä ñan tä nemen nuäre nitre rüne ruäre kräke blitakäre ni nemen jabe yebätä monsotre kwe ben?
¿Ñobätä nitre rüne rabadre monsotre kwe ‘töi ükete bätä tötike jankunu Jehová kukwei yebätä’? (Ef 6:4)
Kukwe nemen gare nie ye tä ni kriemike
¿Juta Jehovakwe käkwe jondron meden meden bianina nitre rüne ie? (w19.05 12)
¿Ñobätä nitre rüne rabadre blite kwin monsotre kwe ben kukwe jämi nakainkä ye känenkri?