Nitre gure munkwe ja kriemika

Nitre tä ja mäkete ye ütiäte krubäte Jehová kräke aune tädre käre jabe yei niara tö (Mt 19:5, 6). Juta Jehovakwe nete, nitre kwati tä ja mäkäninte ye tä nüne kä jutobiti jabe. Akwa nitre ja mäkäninte ye töi ñaka metre aune kukwe raba nemen jabätä kwetre. Ja dianka mento o ja tuadremetre ye aibe köböire kukwe ükate raba, ye nikwe ñaka nütüdre. ¿Nitre kristiano ja mäkäninte ye raba ja kriemike ño ne kwe rabadre nüne kwin jabe?

Kukwe ketarike ni raba nuainne ye ani tuin.

1. Mäkwe ja brukwä kriemika aune nitre mada mada käkwe kämikadre mane mane jabätä aune ja näkwita känti nitre nemen jabe ye ñaka kadre ngäbiti. Kukwe ye ñaka tä nitre ja mäkäninte ye mike nüne kwin jabe (Mt 5:28; 2Pe 2:14)

2. Mäkwe ja di ngwan ja ketakäre bäri kwin Jehovabe aune nitre ja mäkäninte ye rabadre nüne ño, ne kwe Jehová rabadre kain ngäbiti ye erere nuaindre (Sl 97:10)

3. Dän ja üaire bitin ye mäkwe kita jankunu jabätä aune mä muko tare mäkwe ye mäkwe bämika ie, ne kwe mun rabadre nüne bäri kwin jabe (Col 3:8-10, 12-14)

4. Munkwe blita kwin jabe aune ja mikadre ütiäte kwärikwäri jai (Col 4:6)

5. Munta kaibe jabe ngwane munta ja tarere ye munkwe bämika kwärikwäri jai (1Co 7:3, 4; 10:24)

Ja mäkäteta ye nitre kristiano tä mike ütiäte jai ngwane, metrere tä Jehová mike ütiäte jai, ñobätä ñan aune niarakwe kukwe ye ükaninte.

VIDEO NIKWE NIADRE JANKUNU: KUKWETA ÜKANINTE NIAKÄRE YE MIKADRE TÄTE YE MÄKWE TUA, BITI MÄKWE KUKWE NGWANTARITA NE MIKA GARE:

• 

  Kenanbe nitre ja mäkäninte raba nüne kwin jabe akwa, ¿kukwe meden meden raba nemen kisete?

• 

  Nitre ja mäkäninte ñaka niena ja tarere ruin ie ngwane, ¿kukwe ja jie ngwankäre Bibliabätä ye raba niaratre dimike ño?

• 

  ¿Nitre ja mäkäninte ie Jehová tä dre dre ribere?

• ¿Nitre ja mäkäninte brare aune merire raba dre nuinne nünankäre kä jutobiti jabe?