NITA JA NGWEN ÑO
Juta Ngöbökwe ükaninte kukwe driekäre ni jökrä ie
Jehovakwe juta Israel ükaninte kwin, ye erere tä juta kwe ükete kwin kä ne näire, ne kwe rabadre niara töi mike nemen bare. Ñodre, sukursal, circuito, konkrekasion aune grupo tä ükaninte kwin Gobran Ngöbökwe driekäre ni jökrä ie aune kukwe driekäre nitre blitaka kukwe madabiti ie arato (Ap 14:6, 7).
¿Mä tärä ja töi mike ja kite blitakäre kukwe madabiti kukwe driekäre nitre mada ie? Kä ñaka mäi ja kitakakäre nitre mada kukweibiti ngwane, aplicación JW Language yete kukwe nuäre mikata dirikäre yebätä mä raba ja kite. Mäkwe kukwe driei kukwe madabiti ngwane, nitre kristiano siglo kena käkwe blitabare ‘kukwe kwi Ngöbökwe yebätä’ nitre juta jene jene aune kukwei jene jene ben ye käkwe kä mikani juto bätätre, ye erere ja rabai ruin nie arato (Hch 2:7-11).
VIDEO MÄKWE JA KETA JEHOVABE: KUKWE DRIEDRE KUKWE MADABITI YE MÄKWE TUA, BITI KUKWE NGWANTARITA NE MÄKWE MIKA GARE:
¿Ni raba dre dre nuainne JW Language yebiti?
¿Dre dre tä mikani aplicación yete?
Kukwe kwin Gobran Ngöbökwe ye nitre blitaka kukwe jene jenebiti tä ribere jai.
¿Nita nüne yekänti kukwe meden medenbiti blitata?
Nitre blitaka kukwe madabiti tö kukwe Gobran Ngöbökwe mikai gare bäri jai ngwane, ¿ni raba dre nuainne? (od-S 100 párr. 39-41)