DIRIDRE BÄRI KWIN | KUKWE DRIE YE KÄI TÄDRE JUTO NIBÄTÄ
Diridre kä juto biti
Nita blite kä jutobiti ngwane kä raba nemen juto nitre madabätä aune ye köböire kukwe meden mikata gare nikwe ietre ye raba kukwe nuin bäri kwin. Ne madakäre, nita blite kä jutobiti ngwane kukwe drieta nikwe ye ütiäte ni kräke ye nita bämike. Ni nünanka medente, nita ja ngwen ño, akwa yebiti ta ni raba blite kä jutobiti (Ro 12:11). ¿Ni raba blite ño kä jutobiti?
Kena, ñobätä kukwe drieta nikwe ye ütiäte krubäte yebätä töbikadre. Ñobätä ñan aune mätä kukwe kwin mike gare jondron kwin yebätä, sribi ütiäte ye tä mä kisete (Ro 10:15, TNM). Ketebukäre, kukwe kwin drieta nitre ie ngwane tä mate ño brukwäbätä yebätä nikwe töbikadre. Aune kukwe kwin mikadre gare nitre ie ye niaratre tä ribere jai (Ro 10:13, 14). Mrä mada, mäkwe blita ja brukwä ngöibiti aune mätä blite bökän ye mäkwe bämika ja ngwärebätä aune mätä ja kise mike ño yebiti.
VIDEO NITRE MADA MIKE JA TÖTIKAKA YE KÄI JUTO NIBÄTÄ. NIKWE DIRIDRE BÄRI KWIN: DIRIDRE KÄ JUTO BITI YE MÄKWE TUA, BITI KUKWE NGWANTARITA NE MÄKWE MIKA GARE:
¿Rita nämäne Coral tötike ye ñobätä käi ñan jatanina jutobätä?
¿Dre käkwe Rita dimikani dirireta kä jutobiti?
Nita blite kä jutobiti ngwane käta nemen juto ni madabätä arato.
Nitre ni kukwe nuaka ye töi meden meden kwin yebätä nikwe töbikadre, ¿ye ñobätä ütiäte?
¿Nita blite kä jutobiti ye raba mate ño nitre ja tötikaka nibe aune nitre mada mada yebätä?