Orasion bianta Jehovakwe nie ni dimikakäre ye kadre ngäbiti

Jehová tä kukwe metre mike nirien aune ngätri mike nemenkä nitre brukwäte (1Co 3:6-9). Ye medenbätä, kukwe kwin rabadre bare nibätä nita kukwe driere ie ni tö ngwane Jehovakwe ni aune nitre ja tötikaka nikwe ye dimikai yei nikwe tö ngwandre.

Mäkwe kukwe nie metre ta orasionte. Jehovakwe nitre ja tötikaka mäkwe ye dimikadre ja tuin kukwe tare ben aune ganainne ye mäkwe ribe Jehovai (Flp 1:9, 10). Üai deme käkwe mä jie ngwandre mätä töbike ño aune mätä dre nuainne yebätä ye mäkwe ribe ie arato (Lu 11:13). Oradre ño ye mäkwe drie nitre ja tötikaka mäkwe ie aune mäkwe töi mika orare. Mäkwe niaratre kädekate kä kwetre yebiti mätä orare bentre aune kräketre ngwane.

VIDEO NITRE MADA MIKE JA TÖTIKAKA YE KÄI JUTO NIBÄTÄ. DRE BIANTA JEHOVAKWE NIE NI DIMIKAKÄRE YE KADRE NGÄBITI: ORASION YE MÄKWE TUA, BITI KUKWE NGWANTARITA NE MÄKWE MIKA GARE:

• ¿Rita nämäne Coral tötike Bibliabätä ngwane kukwe meden ben ja tuani kwe?

• ¿1 Corintios 3:6 käkwe Rita dimikani ño?

• ¿Kukwe nämäne kisete ye ükaninte ño kwe?