DIRIDRE BÄRI KWIN | KUKWE DRIE YE KÄI TÄDRE BÄRI JUTO NIBÄTÄ
Blitadre töi jämebiti
Nita nitre mada töi mike nüke gare jai ye abokän, nitre töita ño, ja ruin ño ietre, dre ütiäte kräketre aune dre ribeta kwetre jai ye nüke gare kwin nie meden gärätä. Nita nitre mada töi mike nüke gare jai ngwane, raba jutuen nitre ie. Aisete nita nitre mada töi mike nüke gare jai nita kukwe driere ngwane, Jehovata nitre mada tarere ye nita bämike aune nitre ni kukwe nuaka tö rabai Jehová mikai gare jai (Flp 2:4).
Nita dirire ye ñan aibe ngwane nita nitre mada töi mike nüke gare jai, ñakare aune nita ja töi mike ño, nita ja bämike ño, nita nitre kukwe nuin kwin aune töi jämebiti, yebiti nita nitre mada töi mike nüke gare jai ye nita bämike. Nita nitre mada töi mike nüke gare jai ye nita bämike kukwe keta kabrebiti. Ñodre, dre tuin kwin nitre ie, dre mikata täte kwetre aune tätre ja tuin kukwe meden ben ye nita mike ütiäte jai. Ne madakäre, nita mäträrebätä aune dimike ngwane, ni ñaka tä mike kukwe nuainne ja dibiti. Nitre ie nita kukwe driere ye tä ni kukwe kain ngäbiti ngwane, kukwe drie ye käita nemen bäri juto nibätä.
VIDEO NITRE MADA MIKE JA TÖTIKAKA YE KÄI JUTO NIBÄTÄ. NIKWE DIRIDRE BÄRI KWIN: BLITADRE TÖI JÄME BITI YE MÄKWE TUA, BITI KUKWE NGWANTARITA NE MÄKWE MIKA GARE:
Coral nü kä rairebiti ngwane, ¿Rita käkwe niara töi miri nüke gare jai ye bämiri ño kwe?
Coral ñaka raba ja tötike ñobätä ñan aune täni nainte krubäte nini kwe ngwane, ¿Rita käkwe töi miri nüke gare jai ye bämiri ño kwe?
Nita nitre töi mike nüke gare jai ngwane, nitre töta nemen Jehová mikabätä gare jai.
Jondron ükadrete kwin ye Coral ñaka nuainne nini kwe ngwane, ¿Rita käkwe töi miri nüke gare jai ye bämiri ño kwe ie?