NITA JA NGWEN ÑO

Mä raba nüne kä jutobiti: jondron mrä kukwe metre driekäre

¡Tärä aune täräkwata mrä nikwe nitre tötikakäre ye käi juto krubäte nibätä! Nita ja di ngwen nitre mada dimikakäre nemen ja tötikaka, ye köböire Jehovakwe kukwe kwin mikadre nemen bare ye nikwe ribedre ie (Mt 28:18-20; 1Co 3:6-9). ¿Jondron mrä nebiti ni rabadre sribire ño?

Tärä mrä nebiti ni ja tötikaka aune ni dirikä ye rabai blite bäri jabe täi ja tötike ngwane, yebätä ni ñan rabaira nitre tötike ni nämäne nuainne käne erere. Aisete nita ja kite aune ja tötike ngwane, kukweta jatäri ne nikwe nuaindre:a

Kukwe tä mikani yebätä mäkwe ñäkä aune kukwe ngwantarita yebätä mäkwe blita.
Texto tä yete yebätä mäkwe ñäkä aune texto ye tä dre driere ye mäkwe ni ja tötikaka dimika mike nüke gare jai.
Mäkwe video mika tuare aune kukwe ngwantarita tä täräbätä ye mäkwe ngwantari.
Mäkwe ni tötikadre batire batire ngwane, mäkwe ja di ngwan kukwe ja tötikara keteiti yebätä ja tötike täte.

Mätä kukwe driere ngwane, mäkwe täräkwata ye drie käne ne kwe nitre tö kukwe Bibliabätä mikai gare jai o ño ye rabadre gare mäi (recuadro “Mäta blita kömike ngwane täräkwata Mä raba nüne kä jutobiti ye driedre ño” tä página 16 ye mäkwe mika ñärärä). Ni ja tötikaka ja tötikadre ünä täräkwata yebätä aune törbadre ja tötikai jankunu ngwane, mäkwe tärä mada ye drie ie aune kukwe ja tötikara 4 yekänti mäkwe ja tötika kömika ben. Mä niena ni iti tötike täräbiti nita nitre tötike yebiti ngwane, mäkwe tötikadre tärä Mä raba nüne kä jutobiti yebiti ye bäri kwin. Kukwe ja tötikara medenkänti mä tö rabadre kömikai ye tä gare mäi.

Ja mräkätre gure arabe tä täräkwata “Mä raba nüne kä jutobiti” yebiti monso bati ye arabe tötike gwirete.

VIDEO JA TÖTIKA BIBLIABÄTÄ NE KÄI NGWEN JUTO JABÄTÄ YE MÄKWE TUA, BITI KUKWE NGWANTARITA NE MÄKWE MIKA GARE:

¿Tärä mrä yebiti dre rabai gare ni ja tötikaka ie?
¿Ñobätä video ne mikadre tuare nitre ja tötikaka mrä ie?
¿Kukwe meden mä raba mike nuaindre ni ja tötikaka ie? (Recuadro “Kukwe ütiäte aune Nuaindre nieta kukwe ja tötikara keteitire keteitirebätä” tä página 16 ye mikadre ñärärä).

a NOTA: “Kukwe mada mike gare jai” tä kukwe ja tötikara keteitire keteitirebätä yebätä mäkwe ja tötikadre ni ja tötikaka ben o ñakare ye tä gare mäi, akwa kukwe jökrä tä täräbätä yebätä mäkwe ja tötika mätä ja kite ngwane. Ye köböire ni ja tötikaka mäkwe ye töita drebätä aune dre raba dimike ye rabai gare mäi. Tärä ye täi digital, yete enlace video kräke aune kukwe mada kräke ye täi arato.

KUKWE ÜTIÄTE AUNE NUAINDRE NIETA KUKWE JA TÖTIKARA KETEITIRE KETEITIREBÄTÄ
	KUKWE JA TÖTIKARA	KUKWE ÜTIÄTE	KUKWE NE MIKADRE NUAINDRE NI JA TÖTIKAKA IE
1	1-12	Biblia raba ni dimike ño aune ni Biblia bökänkä ye raba nemen gare ño nie ye nikwe mikadre gare jai.	Mäkwe ni ja tötikaka töi mika ñäke Bibliabätä, ja ükete ja tötika kräke aune niken gätäbätä.
2	13-33	Ngöbökwe dre nuainbarera ni kräke aune mikadre ño täte ie niara tö ye mikadre gare jai.	Mäkwe ni ja tötikaka töi mika blite kukwe metre yebätä ni madabe aune nemen kukwe driekä.
3	34-47	Nire nire tä Ngöbö mike täte ye ie Ngöböta dre ribere ye mikadre gare jai.	Mäkwe ni ja tötikaka töi mika ja denkä mento Jehová kräke aune ja ngökö ñöte.
4	48-60	Ni raba Ngöbö tarere ño jankunu ye mikadre gare jai.	Kukwe meden kwin aune meden käme ye rükadre gare ño ni ja tötikaka ie ye mäkwe drie ie aune mäkwe töi mika nirien jankunu kukwe ja üairebiti.