DIRIDRE BÄRI KWIN | KUKWE DRIE YE KÄI TÄDRE BÄRI JUTO NIBÄTÄ
Jondron ükateta kukwe känänkäre yebiti diridre kwin
Nikwe kukwe driedre kwin yekäre Jehovata jondron keta kabre bien nie. Ñodre video, täräkwata kia, tärä aune bäri ütiäte tä Biblia bien nie (2Ti 3:16). Jondron kukwe mikakäre gare bäri jai ye bianta kwe nie ne kwe nikwe kukwe Bibliabätä mikadre gare bäri kwin. Ñodre Watchtower Library, aplicación JW Library®, Watchtower™ TÄRÄ JÖKRÄ INTERNETE aune Tärä ni testiko Jehovakwe jie ngwankäre ja tötike.
Jondron keta kabre tärä nie kukwe känänkäre yete kukwe ütiäte kukwe ja üairebiti kwandi nie ye käkwe kä mikai juto nibätä. Jondron keta kabre yete kukwe känändre ño ye mäkwe drie ni ja tötikaka mäkwe ie, Biblia tä dre niere ye rükai gare ni ja tötikaka mäkwe ie ngwane, ye käkwe kä mikai jutobätä.
VIDEO NITRE MADA MIKE JA TÖTIKAKA YE KÄI JUTO NIBÄTÄ. DRE BIANTA JEHOVAKWE NIE NI DIMIKAKÄRE YE KADRE NGÄBITI: JONDRON ÜKATETA KUKWE KÄNÄNKÄRE YEBITI DIRIDRE KWIN YE MÄKWE TUA, BITI KUKWE NGWANTARITA NE MÄKWE MIKA GARE:
¿Kukwe meden ñaka metre nini Coralkwe jondron sribebare yebätä?
¿Ritakwe kukwe känäni medente?
Jondron ütiäte kukwe ja üairebiti kwandre nie aune blitadrebätä ye tä kä mike juto nibätä
¿Kukwe meden raba Coral dimike ye Ritakwe känäni ño?
Jondron keta kabre kukwe känänkäre nie yete Rita käkwe kukwe känäni, ¿ye käkwe dimiri ño?