DIRIDRE BÄRI KWIN | KUKWE DRIE YE KÄI TÄDRE BÄRI JUTO NIBÄTÄ
Nikwe nitre ja tötikaka ye dimikadre kukwe käme ye tuenmetre
Nitre ja tötikaka käkwe kukwe käme ye tuadremetre rabakäre ja ketamuko kwin Jehovakwe (1Pe 1:14-16). Kukwe käme ye tuainmetre kwetre ngwane, nünain kwin kwetre mräkätre kwe ben, täi kwin o ngwian ye ñaka gaite ngwarbe kwetre.
Kukwe bianta Jehovakwe mikakäre täte ye mäkwe mika gare metre ta nitre ja tötikaka ie. Ñobätä kukwe ye ribeta nuaindre nie aune mikadre täte ye köböire kukwe meden kwin tä nemen nikwe ye mäkwe mika gare ietre. Nitre ja tötikaka tä töbike ño yebätä mäkwe dimika ja töi kwite aune ja känenkäre jatai kukwe ye mike täte (Ef 4:22-24). Nitre ja tötikaka tä kukwe käme nuainne aune ñan nemen nuäre kräketre tuametrekäre, yebätä Jehová raba dimike kukwe ye tuenmetre ye mäkwe mika gare ietre (Flp 4:13). Ni ja tötikaka tö jatadre ja mikabätä ngite ngwane, jötrö ngwarbe ja di kärädre kwe orasionte Jehovai ye mäkwe drie ietre. Kukwe meden meden raba nitre ja tötikaka ngwen ja mike ngite ye mäkwe mika gare ietre aune kukwe käme ye täte rabadre kukwe kwin nuainne ye mä raba mike gare ietre arato. Nitre ja tötikaka mäkwe jatai ja töi kwite Jehová die köböire ye jutuai mäi ngwane, kä rabai juto krubäte mäbätä.
VIDEO NIKWE NITRE JA TÖTIKAKA YE DIMIKADRE KUKWE TUIN KÄME JEHOVAI YE TUENMETRE YE MÄKWE TUA, BITI KUKWE NGWANTARITA NE MÄKWE MIKA GARE:
Nitre umbre ji ngwanka aune Rita nämene tö ngwen Coral ie, ¿ye bämikani ño kwetre?
¿Rita käkwe dre nuainbare Coral dimikakäre?
¿Jehová käkwe Coral dimikadre yekäre Coral dre nuainbare?