NITA JA NGWEN ÑO
¿Nire ben mätä ja kete internete?
Nitre tä ja töi mike kwin jakrä kwärikwäri aune tä ja tarere ye abokän tä nemen ja ketamukore meden gärätä. Davidkwe Goliat kämikani ye bitikäre David aune Jonatán namani ja ketamukore (1Sa 18:1). Niaratre nibu käkwe ja töi kwin mikani ñärärä kwärikwäri aune ye köböire namani ja kete kwin jabe. Aisete ja ketamuko känänkäre, ni mada ye mikadre gare kwin jai, yekäre ja di ngwandre aune kä rikadre ruäre ta. Akwa internet yete, clic aibe mikadre aune “ja ketamuko” raba kwen nie. Nitre ño metrere ye nuäre kräketre bä gatekäre internete ñan ñobätä aune tö dre mikai aune dre raba nemen gare niaratrebätä nitre madai ye nuäre kräketre ükatekäre internete. Ye medenbätä, mäkwe ja ketamuko ño känäin internete yebätä mäkwe kukwe ükate jai ja ngibiabitikäre ye kwin krubäte. Nitre ñaka gare kwin mäi käkwe solicitud juandre mäi ye mäkwe ñaka mikadre gare jai o mäkwe ñaka ka ngäbitidre yebätä rabai romon ye mäkwe ñaka jürä ngwan jabätä. Kukweta nakainkä krubäte yebätä, nitre ruäre kwe red social ñaka. Akwa mä tö red social ie jakrä ngwane, ¿mäkwe dre ngwandre törö jai?
VIDEO ÑAKA JA NÄKWITADRE OKWÄ KWARE REDES SOCIALES YEBITI YE MÄKWE TUA, BITI KUKWE NGWANTARITA NE MÄKWE MIKA GARE:
Mäkwe foto aune kukwe mikadre gare red social yete ye känenkri, ¿mäkwe dre ngwandre törö jai?
Mata ja ketamuko kai ngäbiti internete ngwane, ¿ñobätä mäkwe mikadre gare kwin jai?
Kä nuäi te mä täi red social yete, ¿ye ñobätä mäkwe ükadrete kwin jai? (Ef 5:15, 16)