Kukwe käme diainkä ye köböi rükai

Kukwe tare ben nita ja tuin ye raba ni ngwen di nekä, metrere kukwe ye tä nuin raire ngwane. Kukwe nämäne jabätä David ie Saúl ben ye ñaka nuadi kärekäre ye nämäne gare David ie aune niara rabai reire Jehovakwe käbämikani ie ye rabai bare ye nämäne gare ie (1Sa 16:13). David nämäne tödeke ye käkwe David dimikani kukwe ngübare bätärekä aune Jehovakwe kukwe ükaite ye ngübare.

Nita ja tuin kukwe tare ben ngwane, nikwe töbikadre kwin ja käne aune kukwe gare nie ye ererebätä ja ngwandre aune töbike kwin ja käne kukwe ükatekäre (1Sa 21:12-14; Pr 1:4). Kukwe ja jie ngwankäre Bibliabätä ye ererebätä nita ja di ngwen kukwe ükatekäre, akwa yebiti ta kukwe ben nita ja tuin ye ñaka tä nekä ruäre ngwane. Ye erere nemen bare ngwane, nikwe kukwe ngübadre bätärekä aune Jehovakwe kukwe ükaite ye nikwe ngübadre. Kukwe tare ben nita ja tuin ye Jehová köböra denkä aune niarakwe “okwä ñöi sökadite jökrä” (Ap 21:4). Kukwe ruäre ben nita ja tuin ye Jehová raba ükete o kukwe madabätä raba nekä, akwa kukwe keteiti tädre gare metre nie: kukwe tare ben nita ja tuin ye ngwandi krüte köböi rükai. Kukwe ye nemen gare nie ye tä ni töi mike jäme.

VIDEO NITRE TÄ JA ÑÄKEBITI YE NGÄTÄITE JUTA TÄ KETEITIBE YE MÄKWE TUA, BITI MÄKWE KUKWE NGWANTARITA NE MIKA GARE:

• Nitre testiko kwati nünanka Estados Unidos mötörikri, ¿ye käkwe ja tuani kukwe meden ben?

• ¿Niaratre nämäne ja tarere aune kukwe ngübare bätärekä ye bämikani ño kwetre?

• ¿Kukwe meden nämäne bäri ütiäte ja mräkätre ye kräke? (Flp 1:10)