Ngwian ñakare nikwe yebe nita ja tuin ngwane tö ngwandre kwatibe

Nünandre kä mrä näire ye ñaka nuäre. Aune kä krüte kite ja ken ye ngwane kukwe bäri kri ben nikwe ja tuadi. Aune nita jondron ribere jai ye ñaka rabai nikwe ye nie raba (Hab 3:16-18). ¿Dre käkwe ni dimikai ja tuin ngwian ñaka nikwe yebe? Bäri ütiäte Jehová ni dimikai ye ie nikwe tö ngwandre, niarakwe ja ketamuko kwe dimikai aune nita dre ribere jai kä jökrä ngwane ye niarakwe biandi nie ye käbämikata kwe (Sl 37:18, 19; Heb 13:5, 6).

¿Mä raba dre nuainne?

• Jehová mä jie ngwandre, mä mikadre töbätä kwe aune mä dimikadre kwe ye mäkwe ribe ie (Sl 62:8).

• Sribi mä ñaka nuainbare ye mä tädre juto ka ngäbitikäre (g-S 1/10 8, 9, recuadro).

• Kukwe bäri ütiäte ye mäkwe ñaka käi kwitaka jabiti ñodre, ñäke Bibliabätä köbö kwatire kwatire te, niken gätäbätä aune kukwe driere.

VIDEO NIKWE JU SRIBEDRE DITE NE KWE ÑAKA RIKADRE TIBIEN. “JÄNDRÄN ÑO ÑO TÄ MUNKWE, YE ABKO KÄI NGWIAN NUÄRE JABTÄ MUNKWE” YE MÄKWE TUA, BITI KUKWE NGWANTARITA NE MÄKWE MIKA GARE:

• ¿Kukwe medenbe ja mräkätre nekwe ja tuani?

• ¿Dre tädre bäri ütiäte ni kräke?

• ¿Nitre kwe ngwian ñaka ye ni raba dimike ño?