NITA JA NGWEN ÑO
Jehová töita ño ye mike gare jai
Ni käi tädre juto Jehovabätä ye ie ni tö yebätä, niara töita ño ye ererebätä ni tö kukwe dian nuaindre jai aune kukwe ñäkäi ñaka metre ta Bibliabätä ye ngwane ni tö kukwe kwin dian nuaindre jai arato (Pr 27:11). ¿Ye raba nemen bare ño nie?
Ja tötikadre Bibliabätä mandre jetebe. Batire batire nita ñäke Bibliabätä ngwane nita kä denkä jai Jehová kräke ye kwrere. Jehovakwe juta kwe mikani tuin ño jai aune nitre kädekateta Bibliabätä käkwe kukwe kwin bämikani aune meden käkwe kukwe ñaka kwin bämikani yebätä töbikadretari ye käkwe ni dimikai Jehová töita ño ye mike nüke gare bäri kwin jai. Ye erere ngwane kukwe keteiti täi diandre nuaindre jai nie ngwane, üai deme käkwe kukwe ja jie ngwankäre o kukwe meden namani gare nie ye ngwainta törö nie (Jn 14:26).
Kukwe känändre. Mä jämi kukwe den nuaindre jai ye känenkri mäkwe kukwe ne erere ngwandretari jai: “¿Bersikulo o kukwe ruäre kädekateta Bibliabätä ye meden raba ti dimike Jehová töita ño kukwe yebätä ye mike gare jai? Mäkwe ja di kärä Jehovai aune kukwe ja jie ngwankäre Bibliabätä raba mä dimike kukwe ben mätä ja tuin yebätä, yekäre mäkwe kukwe känä jondron tärä ükaninte mä kukwebiti ni dimikakäre yete (Sl 25:4).
VIDEO NIKWE NIADRE JANKUNU: NIKWE MRÖDRE KWIN YE MÄKWE TUA, BITI KUKWE NGWANTARITA NE MÄKWE MIKA GARE:
¿Monso merire miri tuare videote ye nämäne ja tuin kukwe meden ben?
Jondron tärä ükaninte ni dimikakäre ja tötike, ¿ye raba ni dimike ño ja tuakäre kukwe ye erere ben?
Nita kä denkä jai ja tötikakäre aune kukwe känänkäre, ¿ye raba ni dimike ño ni jämi kukwe den nuaindre jai ye känenkri? (Heb 5:13, 14)