Kukwe tare tä nakainkä ngwane ni raba ja mräkätre dimike ño

Kukwe tare kite nakainkä bäri, ye medenbätä kukwe tare tä nemen bäre ngwane nitre labores de socorro tädre ükaninte kwin aune sribire gwairebe yekäre Cuerpo Gobernante kukwe ükaninte ne kwe sukursal kä jökräbiti tibien yete Departamento de labore de Socorro ye tädre.

Kä ruäre känti kukwe tä nemen bare ye tä nemen gare departamento de labores de socorro ie ngwane, ben gwairebe tä blite nitre umbre konkrekasionte kä yekänti yebe aune nitre kukwe driekä tä dre ribere jai ye tä mike gare jai. Aune kukwe nakaninkä kä yekänti ye kri krubäte aune nitre kukwe driekä kä yekänti ye ñan raba ükete kaibe ye ngwane sukursal tä nitre labores de Socorro juen dimikakäre. Nire nire tä juto biare sribikäre ye niaratre raba ribere ja dimikakäre o jondron meden meden ribeta ye erere niaratre raba kärere o niaratre raba jondron ruäre kökö aune döräire bititre.

Nitre tä kukwe ükete akwle jai sribikäre yebätä sribi ñaka raba nemen bare kwin aune ngwian kitakata ngwarbe bätä jondron kökata ye tä niken ngwarbe jerekäbe aune ja di ngwanta ngwarbekäre sribire. Ye medenbätä labores de socorro ye tädre ükaninte kwin sribikäre.

Ni ribeta nibe aune ngwian ribeta nuäi ye nitre kädekani sukursalkwe ye tä mike gare kwin jai. Niaratre raba blite nitre sribikä gobranbe kä yekänti yebe ñobätä ñan aune bäsi käre raba sribi mike nemen bäri nuäre nuaindre ja mräkätre labores de socorro ye ie. Aisete ngwian ükadrekrö, jondron juandre aune mun rikadre kukwe tare namani bare yekänti ribe ñaka munye ngwane mun ñan rika jire.

Bäkänä ni mräkä tare nikwe ye medenbätä kukwe tare tä nemen bare ye ngwane ni ñaka töta nemen rababätä kwekebe (Heb 13:16). ¿Akwa ni raba dre nuainne? ja mräkätrebätä kukwe tare nakaninkä aune ja mräkätre tä sribire labores de socorro ye kräke nikwe oradre ye bäri ütiäte. Arato ni raba ngwian bien sribi nuainta kä jökräbiti tibien ye dimikakäre. Ngwian bianta ja töi jeñebiti yebiti ñongwane aune medente sribidre ye gare bäri kwin sukursal tä sribire Cuerpo Gobernantebe ye ie. Ni tö ja mräkätre dimikai ja töi jeñebiti ngwane ni raba Solicitud de voluntario local de diseño y construcción (DC-50) yebätä ja kä tike mikakäre gare.

VIDEO KÄ NIKANI KRI ÑÖTE BRASIL YE MÄKWE TUA, BITI KUKWE NGWANTARITA NE MÄKWE MIKA GARE:

¿Kä nikani ñöte Brasil yete nitre testiko Jehovakwe käkwe ja mräkätre dimikani ye meden tä mä töi mike ñan krütare?