Kukwe ne ererebätä mä raba ja tötike

Jehová töi kwin keta kabre yebätä kukwe mike gare bäri jai

Nita ñäke Bibliabätä ngwane, kukwe ruärebätä kukwe känändre ne kwe rabadre nüke gare bäri kwin nie. Akwa ñaka nuaindre kukwe ütiäte mikakäre gare bäri jai aibe. Ñakare aune ni tö kukwe mike gare bäri jai Jehová töi kwin keta kabre yebätä, ye köböire ni jatai niara tarere bäri. Yekäre, ngwandretari jai: “¿Kukwe namani bare nieta Bibliakwe ne tä dre driere tie Jehovabätä?”.

Ñodre Jehová töi kwin keta kabre: tä ni tarere, töbätä, tä kukwe ükete kwin aune dite krubäte yebätä kukwe känändre bäri. Akwa ne ñan aibe ngöräbe, Jehová töi kwin keta kabre mada tärä. ¿Medente Jehová töi kwin keta kabre mada ye raba kwen mäi?

Jehová töi kwin, 50 biti bäri raba kwen mäi Índice de las publicaciones Watch Tower yete. Mäkwe “Jehová” tika känänkäre nieta yete, biti “Cualidades por nombre” yete mäkwe clik mika. Kukwebätä mäta ñäke yete Jehová töi kwin meden kädekateta ye erere mäkwe känä aune ñäkäbätä (akwa Tärä ni testiko Jehovakwe jie ngwankäre ja tötike ye aibe tä mäkwe kukwe känänkäre ngwane, mäkwe “Jehová” nieta yete kukwe känä biti subtítulo “Jehová töi meden meden kwin” nieta yete mäkwe clik mika).