Dre dre ütiäte yebätä töbiketa

Mäta ja tötike ye ngwane ¿kukwe meden ütiäte tä nemen gare mai ye käita nikwitekä jötrö mäbiti? Ye tä nemen bare bäsi ni jökrä bätä. ¿Kukwe meden ütiäte tä nemen gare nie ye ngwandreta törö jai ye raba ni dimike ñaka kukwe ütiäte ye käi kwitekä jötrö jabiti.

Mätä ja tötike ye ngwane, mäkwe kä dianka chi jai töbikatarikäre kukwe ütiäte nibi gare mai yebätä. Tärä tikani Apóstol Pablokwe yebätä ja mräkätre merire aune brare nämäne ja tötike ye ie Pablo kukwe ne niebare: “Kukwe nieta tikwe abko krörö” (Heb. 8:1). Kukwe ne kwrere biti dimikani kwe kukwe ye mike nüke gare bäri kwin jai aune kukwe nie nämäne ye bäsi ja erebe rükadre gare ietre ai gäre arato.

Mä rika ja tötike ngwane, 10 minuto mrä yete mäkwe töbikatari kukwe ütiäte yebätä. Ñan rüka törö kwin mäi ngwane, mäkwe subtítulos yebätä ñäkätä ngwankäreta törö jai o mä raba párrafo jökrä yebätä ñäke chi. Kukwe mrä raba gare mäi ngwane, mäkwe mika gare kukwe nuärebiti. Kukwe bäri ütiäte yebätä mäkwe ja tötikaita ngwane rabai bäri nuäre mä kräke ngwankäreta törö jai aune mä raba kukwe ye mike ño täte yebätä mä ja töi mikai arato.