Kukweta nemen gare mäi ye mäkwe mika gare ni madai

Ja tötika Bibliabätä ye tä kä mike juto nibätä, akwa bäri kä tä nemen juto nibätä, perla tä kwen nie, nita mike gare ni madai ye ngwane. Proverbios 11:25 tä niere: “Ni mantiame yekwe jondron kwin rabai aune nire nire tä ni mada dimike ye dimikai arato”

Kukwebätä ni tä ja tötike ye nita mike gare ni madai ngwane, rükai bäri gare kwin nie aune rabai törö nie arato. Ererebätä, ye käkwe kä mikai juto nibätä, ñan ñobätä aune kukwe ye raba tödeka niaratrekwe ye mike dite (Hechos 20:35).

Mä raba ne nuainne: Bämän bike kite nebätä, drebätä mä tä ja kite ye mä raba mike gare ni madai. Ñodre mä mräkä, ja etebantre konkrekasionte, ni sribi muko mäkwe, ni nänkä täräbätä mäbe o ni nünanka mä bäre yei. Mäkwe blita kukwe nuärebiti aune ja kukweibiti.

Ne ngwen törö jai: Ni tä kukwe niere ni madai, ye ñan bämikakäre kukwe gare krubäte nie, ñakare aune niaratre dimikakäre (1 Corintios 8:1).