Nita ja tare nike bren kisete ngwane, ¿Biblia raba ni dimike?

Biblia tä kukwe ye mike gare

Jän. Ni Ngöbö mikaka täte tä bren yebätä töita. Biblia tä kukwe ne käbämike ietre: Niaratre “täi bren jänbiti ngwane, Jehovakwe ngübai” (Salmo 41:3). Nita ja tare nike bren tare kisete ngwane, ni raba kukwe ketamä ne nuainne:

1. Ja di kärädre Ngöböi kä ngwankäre nüke jai. “Kä jäme Ngöbökwe abko ñan rükadre gare jire ni kä nebtäye” ye käkwe ni dimikai ñaka ja töibikaire krubäte, ñakare aune ja di biain kwe nie nänkäre ja käne (Filipenses 4:6, 7).

2. Töbikadre kwin ja käne. Biblia tä kukwe ne mike gare: “Kä juto ni brukwäbätä ye abokän tä nemen kräkä kwrere, akwa ni tä ulire ye tä ni di gainkä” (Proverbios 17:22). Kä nuäre nibätä ye ñan tä kä mike juto jerekäbe nibätä, ñakare aune tä ni dimike nüne kwin.

3. Tö ngwandre bäri. Nita ja tare nike yebiti ta tö ngwan ye raba kä mike juto nibätä (Romanos 12:12). Kä rükai ngwane, “tita bren” ye nikwe ñaka niedi käbämikata Bibliakwe (Isaías 33:24). Bren tare nitre científico ñaka raba denkä ye Ngöbökwe diainkä jökrä. Arato, ni niena umbre ye Ngöbökwe mikaita bati. Ñodre Biblia tä niere: “Niara ngätä rabadreta bäri kwin nämäne bati ye kräke; niara die rabadreta nämäne bati ye kwrere” (Job 33:25).

Nota: Kukwe käbämikata Ngöbökwe ye ie nun testiko Jehovakwe tä tö ngwen, akwa nunta bren ngwane, nunta niken doctor känti arato (Marcos 2:17). Akwa kräkä meden kwin ye nun ñaka mike gare, ñakare aune ye tä gare ni itire itire ie.