Los jóvenes preguntan... ¿Qué haré con mi vida? (Kukwe kena)
Monsotre bati tä kite umbre ye ngwane, tä ja töi mike kukwe ütiäte nuainkäre. Niaratre dimikakäre DVD Los jóvenes preguntan... ¿Qué haré con mi vida? ye sribebare. Menú yekänti mäkwe clic mika Ver drama yebiti, ne kwe película ye tuadre mäkwe aune kukwe ngwantarita párrafo 2 ne mä raba mike gare. Ye bitikäre kukwe Entrevistas, nieta yebiti mäkwe clic mika aune kukwe Al mirar atrás... nieta yebiti mäkwe clic mika arato bätä kukwe ngwantarita párrafo 3 ne mä raba mike gare.
Película. 1) ¿Timoteo yebätä kukwe namani bare ye erere ben monsotre kristiano kwati kä nengwane tä ja tuin? 2) ¿Andy ie dre niebare ne kwe rabadre ütiäte jadaka yekänti? 3) Ja mräkä Fleissig dre niebare Andy ie, a) ¿ja töi mikadre krubäte Jehová mikabätä täte aune jadaka yebätä? (Mat. 6:24.) b) ¿Kä juto erametre ye ñokänti raba nemen nikwe? c) ¿Niara nämene ngite ye ngwane blato te niara nämene mröre ye nämene dre ngwenta törö ie? d) ¿Nitre üai tä niara aune muko kwe ben ye nämene dre ngwen törö ie? e) ¿Aune niarakwe jadaka tuanimetre yebätä ja namani ruin ño ie? (Filip. 3:8.) 4) ¿Andy rabadre ütiäte jadaka yekänti ye abokän käme o ñakare ye ngwanintari kwe mölöi ie ye ngwane dre niebare mölöikwe ie? (Luc. 4:5-7.) 5) ¿Gananbare kwe ye bitikäre ja namani ruin kwin ie? 6) ¿Ja mräkä Fleissig tärä tikani mrä Andy ie yekänti kukwe meden niebare kwe abokän namani ütiäte mä kräke? (Prov. 10:22.) 7) ¿Ja mräkä Fleissig käkwe Andy dimikani ye köböire dre nükani gare ie?
Al mirar atrás. 8) ¿Ja mräkätre ben blitabare ye käkwe dre diani nuaindre jai, aune ñobätä? 9) ¿Dre namani kwetre? 10) ¿Dre käkwe niaratre töi mikani töbiketa kukwe nuainbare kwetre yebätä? (2 Cor. 5:15.) 11) ¿Sribi nämene niaratre kisete ye täte sribi meden Ngöbökwe diani nuaindre kwetre jai, aune ñokänti nükani gare ietre niaratre ñaka rabadre sribi ketebu ye nuainne? 12) ¿Niaratre sribi Ngöbökwe diani nuaindre jai yebätä ja töi kwitaninta kwetre? 13) Monsotre bati, ¿ja mräkätre ne kukwe niebare ye meden käkwe mun mikani töbiketari dre nuaindre munkwe yebätä?
Gätä Sribi Ngöbökwe Nuainkäre ye nuaindita angwane blitabare monsotre madabe aune kukwe mada video yete ye kädriei. Nunta mun nübaire ja tötike kukwe ne kräke ne kwe mun rabadre blite.