KUKWE NGWANTARITA 5
¿Kukwe medenbätä Biblia tä blite metrere?
“Tikwe mä bätä meri mikai ja rüere kwärikwäri, aune tikwe mä monsoi bätä meri monsoi mikai ja rüere. Niarakwe mä dokwä trekaite aune mäkwe niara mikai bren ngoto üe yebätä.”
(Génesis 3:15)
“Erametre mä monsoi köböire nitre kä tibienbätä ye jökrä kräke kukwe kwin rabai bare mäkwe ti kukwei mikani täte yebätä.”
(Génesis 22:18)
“Gobran mäkwe jatadre. Mä töi ye erere rabadre bare, tä nemen bare kä kwinbätä, ye kwrere rabadre bare kä tibienbätä arato.”
“Ngöbö kä jäme bianka ye käkwe Satana trekaite gwäune mun ngoto täni.”
Romanos 16:20)
“Jondron jökrä mikai niara kisete ye ngwane, Monso ye käkwe ja mikaita gare arato Ngöbö jondron jökrä mikaka niara kisete yei, ne kwe Ngöbö ye aibe rabadre ji dokwäre jondron jökrä kräke.”
(1 Corintios 15:28)
“Kukwe käbämikani ye niebare Abrahán ie aune monso kwe ie [...], ye abokän Kristo. Ne madakäre, mun Kristokwe angwane, erametre mun Abrahán monsoi.”
(Gálatas 3:16, 29)
“Gobran kä tibienbätä ye mikani ni Däkien aune Kristo ye kisete, aune niarakwe gobrandi kärekäre.”
(Revelación [Apocalipsis] 11:15)
“Icha kri krubäre, kulebra kira, kädekata Diablu bätä Satana, kätä ni kä jökräbiti tibien ngökö ye kitaba kwintubu; kitaba kwintubu kä tibienbätä, aune angeletre kwe ye kitaba kwintubu ben.”
(Revelación 12:9)
“Icha krubäre, kulebra kira, ye abokän Diablu bätä Satana ye kaba kwe, aune mäkäteba kwe kä mil krati te.”
(Revelación 20:2)