KUKWE NGWANTARITA 7
¿Biblia tä dre niere kukweta nakainkä ni näire yebätä?
“Juta kwatire kwatire rabadi rüre jabe kwärikwäri aune gobran rabai rüre jabe kwärikwäri [...]. Jondron jökrä ne abokänbiti krire ja tare nika ye kömikadi kena.”
“Nitre kwati kukwe ngwarbe driekä Ngöböbätä rabai kukwe driere aune nitre kwati ngökadi kwetre; aune kukwe käme rabai nirien krubäte yebätä nitre jökrä bäsi ñaka rabaira ja tarere.”
“Rüta kukwe nua munkwe aune rübare raba gare munye angwane, munkwe ñan kä jürä ngwan jabätä; kukwe ne rakadrekä erere rabai bare, akwa kä krüte ye jämi nüke.”
“Dobo krikri rabadi nakainkä, aune kä ketare ketare känti bren nika rabadi krubäte aune mrö nika rabadi kri krubäte; aune jondron krubäre rabai nakainkä aune kä kwinbätä jondron keta kabre rabai tuin.”
“Kä krüte yete kukwe tare krubäte jatai nakainkä, ye ñaka rabai nuäre ükatekäre. Ñobätä ñan aune nitre rabai ja aibe tarere, ngwian tarere, ja käikitekä, bike kri, blite dion dion, ñaka rabai rün aune meye mike täte, ñaka rabadi debe bien jire, ñaka rabadi ja ngwen metre, ñaka rabai ni mada tarere jire, ñaka törbadi kukwe ükaite ni madabe, rabaitre kukwe ngwarbe niere, ñaka rabaitre ja gobraine, rabaitre nitre mada nuainne tare, ñaka rabaitre jondron kwin ye tarere jire, rabaitre ni mada kite ngise, rabaitre ja dokwä mike ribi, rabaitre bike bäri kri ni madabätä, rabaitre jondron kä ngwankäre nuäre jabätä ye tarere bäri aune ñaka rabaitre Ngöbö tarere, tätre Ngöbö kukwei mike täte ye kwrere ja bämikadi kwetre, akwa ñaka tädi nüne kukwe ye ererebätä.”
(2 Timoteo 3:1-5)