Ja ngübadrebiti redes sociales yebätä

¿ÑOBÄTÄ JA NGÜBADREBITI? Jondron mada ye erere, redes sociales raba kukwe kwin o kukwe tare mike ni kisete. Ja mräkätre aune ja ngwaitre ruäre ja töi mikani ñaka jondron ye kain ngäbiti, mada abokän tä kain ngäbiti blitakäre mräkätre o ja ketamuko kwetre yebe. Akwa, redes sociales yebiti Satana tö ni tuai kukwe ñaka kwin nuainne ne kwe blitadre ñaka kwin nibätä aune nikwe ñaka ja ketadre kwin Jehovabe. Akwa, Jesús erere, kukwe Bibliabätä ja jie ngwankäre ye ni dimikai kukwe tare meden raba nemen ni kisete ye mike gare jai aune ñaka nuainne (Lu 4:4, 8, 12).

KUKWE TARE

• Kä diandrekä krubäte jai. Ora rikadre raire ta nibiti redes sociales yebätä aune kukwe känene Internet yete ye raba kä denkä krubäte nikän sribi ja üaire nuainkäre.

  Kukwe Bibliabätä ja jie ngwankäre: (Ef 5:15, 16; Flp 1:10)

• Kukwe ñaka kwin tuadre. Nitre tä ja bämike ye üai mikadre ñärärä ye köböite ni raba kite ni üai butiere tuin krubäte o ja mike gure ngwarbe. Nitre kukwe metre tuanmetrekä aune ja mikaka rüere tä kukwe tike Internet yete yebätä nikwe ñäkädre ngwane, tödeka nikwe ngwain di nekä.

  Kukwe Bibliabätä ja jie ngwankäre: (Mt 5:28; Flp 4:8)

• Kukwe ñaka kwin tikadre o ni üai ñaka kwin juandre. Ni brukwä ye tä ni ngökö, yebätä ni raba ja töi mike kukwe ñaka kwin mike gare o ni üai ñaka mika bä redes sociales yete ye mike siba. Akwa ye nuaindre angwane, raba ni bämike käme o ni mada ngwen ngoto ritekä ja üairebiti.

  Kukwe Bibliabätä ja jie ngwankäre: (Ro 14:13; Ef 4:29)

VIDEO ÑAKA JA NÄKWITADRE OKWÄ KWARE REDES SOCIALES YEBITI YE MÄKWE TUA, BITI MÄKWE DRE NUAINDRE NE KWE KUKWE NE ÑAKA RABADRE BARE MÄBÄTÄ YEBÄTÄ MÄKWE TÖBIKA: